Лінкі ўнівэрсальнага доступу

Новы рэкорд: на літоўска-беларускай мяжы за дзень затрымалі 289 чалавек


Расьцягваньне калючага дроту на мяжы Літвы і Беларусі

1 жніўня быў пабіты папярэдні рэкорд, але 2 жніўня мігрантаў стала яшчэ больш.

У нядзелю зь беларускага боку незаконна перайшлі мяжу і апынуліся ў Літве 289 мігрантаў, паведамляе Delfi.

Прадстаўнік Службы аховы дзяржаўнай мяжы Гедрус Мішуціс сказаў, што ніякай сыстэмы не засталося — калі раней нелегалы звычайна пераходзілі мяжу ўначы і там, дзе няма відэакамэраў, то цяпер яны ідуць праз усе ўчасткі і ў любы час дня і ночы.

Агулам мігрантаў, якія пры спрыяньні афіцыйнага Менску апынуліся на тэрыторыі Літвы, ужо больш як 3500 чалавек. Гедрус Мішуціс заявіў, што месца для разьмяшчэньня ўсё новых групаў мігрантаў зноў не хапае.

Напярэдадні ў Літву прыбыла эўракамісар унутраных справаў Ілва Ёхансан. У нядзелю яна сустрэлася зь міністрам унутраных справаў Агне Білатайце, у панядзелак — з прэзыдэнтам Гітанасам Наўседам і прэм’ер-міністрам Інгрыдай Шыманіце.

Улады Літвы неаднаразова вінавацілі ў міграцыйным крызісе афіцыйны Менск. На думку літоўскіх чыноўнікаў, Лукашэнка з падначаленымі ня толькі загадаў спыніць кантроль на мяжы, але і актыўна спрыяе наплыву мігрантаў, ладзячы ім пераезд з Іраку і іншых краін да межаў Эўразьвязу.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG