Лінкі ўнівэрсальнага доступу

Горадзенскага музыканта Банцэра на «хіміі» паставілі на ўлік «па экстрэмізьме»


Ігар Банцэр, архіўнае фота

Музыку Ігара Банцэра 21 чэрвеня паставілі на прафіляктычны ўлік «па экстрэмізьме» — як «схільнага да дэструкцыйных дзеяньняў».

Пра гэта расказала жонка палітвязьня Анжаліка Арэхва.

«Ігар пазваніў і сказаў, што яго паставілі на ўлік, як усіх», — пераказала Анжаліка Арэхва.

17 чэрвеня Банцэр пачаў адбываць пакараньне на «хіміі» ў Віцебску.

У Віцебску Банцэр пачаў абсьледаваньне свайго стану здароўя. Пасьля СІЗА ў яго выявілі гепатыт С і праблемы ў сфэры гастраэнтэралёгіі. Працаваць ён пакуль не пачаў.

Ігара Банцэра асудзілі на 1,5 года абмежаваньня волі з накіраваньнем ва ўстанову адкрытага тыпу. Яго абвінавацілі ў хуліганстве, бо станцаваў без штаноў перад міліцыянтам. Банцэр сваёй віны не прызнаў. Перад гэтым ён правёў у СІЗА 5 месяцаў, што адпавядае 10 месяцам «хіміі». То бок яму засталося адбыць 8 месяцаў.

Рок-музыкант галадаў 16 дзён бязь ежы і вады цягам усяго судовага працэсу на знак пратэсту.

Ігар Банцэру 41 год, жанаты, мае трое дзяцей.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG