Лінкі ўнівэрсальнага доступу

Вядомага актора Аляксандра Ждановіча — Маляваныча — звольнілі з тэатру


Аляксандар Ждановіч

Ждановіч служыў у тэатры імя Горкага ў Менску. Ён звольнены па артыкуле «Страта даверу наймальніка».

Як паведаміў «Народнай Волі» дырэктар Драматычнага тэатру імя Горкага Эдуард Герасімовіч, ён неаднаразова прапаноўваў Аляксандру Ждановічу пакінуць тэатар іншым чынам, напрыклад, па артыкуле «па згодзе бакоў», аднак актор настойваў толькі на звальненьні згодна з артыкулам 47, за «страту даверу з боку наймальніка».

Паводле Герасімовіча, у тэатры ёсьць загад на атэстацыю калектыву, дырэктар установы катэгарычна ня згодны, калі сьпіс называюць «сьпісам на звальненьне». Зрэшты, Ждановіча звольнілі раней за анансаваную атэстацыю.

Сам Аляксандар Ждановіч, які здабыў найбольшую папулярнасьць пасьля ўдзелу ў тэлепраграме «Калыханка», пакуль не камэнтуе сваё звальненьне. Увосень ён неаднаразова заяўляў, што выбары прэзыдэнта ў Беларусі сфальсыфікавалі, актыўна пісаў пра гэта ў сацыяльных сетках. За адну з акцый пратэсту Маляваныч адбыў 9 сутак арышту.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG