Лінкі ўнівэрсальнага доступу

Сутыкненьне фуры зь мікрааўтобусам на Смаленшчыне: 11 беларусаў трапілі ў шпіталь, адзін у вельмі цяжкім стане

абноўлена

На месцы аварыі, у якой пацярпелі 13 беларусаў

У аварыі ніхто не загінуў, аднак яшчэ два беларусы ў цяжкім стане.

Раніцай 15 траўня ў Сафонаўскім раёне Смаленскай вобласьці Расеі на 298-м кілямэтры трасы М-1 адбылося сутыкненьне фуры Volvo зь мікрааўтобусам Volkswagen, у якім знаходзілася 20 чалавек, паведаміла кіраўніцтва МУС Расеі ў Смаленскай вобласьці.

Паводле папярэдніх зьвестак, аварыя адбылася, бо кіроўца фуры ехаў на небясьпечнай дыстанцыі. 13 чалавек шпіталізавалі ў мясцовы шпіталь, усе яны — грамадзяне Беларусі. Іх лечаць таксама спэцыялісты тэрытарыяльнага Цэнтру мэдыцыны катастроф з Смаленску.

Фура, якую папярэднге назвалі вінаватай у аварыі, таксама перакулілася
Фура, якую папярэднге назвалі вінаватай у аварыі, таксама перакулілася

Як паведаміла Міністэрства аховы здароўя Беларусі каля 16-й гадзіны дня, пасьля ўдакладненьня дадзеных высьветлілася, што ў аварыі пацярпелі 16 чалавек, зь іх 11 шпіталізавалі. Пасьля дэталёвага агляду пацярпелых, 3 беларусы трапілі ў рэанімацыйнае аддзяленьне, аднаму чалавеку адразу зрабілі апэрацыю, другі ў цяжкім стане, у трэцяга — траўма грудной клеткі.

Яшчэ 8 пацыентаў знаходзяцца ў траўматалягічным аддзяленьні з траўмамі рознай ступені цяжкасьці.

Цяпер плянуецца прыезд кансультантаў са Смаленскай абласной клінічнай лякарні для вырашэньня пытаньня аб неабходнасьці пераводу пацыентаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG