Лінкі ўнівэрсальнага доступу

Дыпляматы краінаў Эўразьвязу не змаглі трапіць на суд па «справе студэнтаў»


Дзясяткі чалавек прыйшлі да Дому правасудзьдзя падтрымаць 12 фігурантаў «справы студэнтаў», суд над якімі распачаўся сёньня. Большасьць зь іх у суд трапіць не змагла, у тым ліку журналісты.
Дзясяткі чалавек прыйшлі да Дому правасудзьдзя падтрымаць 12 фігурантаў «справы студэнтаў», суд над якімі распачаўся сёньня. Большасьць зь іх у суд трапіць не змагла, у тым ліку журналісты.

Дыпляматам краін Эўрапейскага Зьвязу не ўдалося атрымаць доступ у залю, дзе судзяць студэнтаў за ўдзел у пратэстах пасьля сфальшаваных прэзыдэнцкіх выбараў 2020 году, паведаміла прадстаўніцтва Эўразьвязу ў Беларусі.

У паведамленьні на старонцы прадстаўніцтва Эўразьвязу ў Facebook удакладняецца, што дыпляматычныя місіі маюць права ў адпаведнасьці зь Венскай канвэнцыяй аб дыпляматычных зносінах сачыць за разьвіцьцём ключавых падзей у краінах, у якіх яны працуюць, у тым ліку — за ходам судовых пасяджэньняў.

«Празрыстасьць дзейнасьці судоў у Беларусі замацаваная законам, каб забясьпечыць фундамэнтальнае права ўсіх затрыманых на незалежны і справядлівы суд. Мы заклікаем Беларусь выконваць свае міжнародныя абавязаньні і абавязаньні ў рамках ААН і АБСЭ і забясьпечыць выкананьне правоў чалавека і асноўных свабодаў, у тым ліку ў адпаведнасьці зь міжнародным пактам аб грамадзянскіх і палітычных правах», — адзначаецца ў паведамленьні.

Па «справе студэнтаў» праходзяць 12 чалавек: 10 студэнтаў розных сталічных ВНУ, выкладчыца БДУІР Вольга Філатчанкава і сябра асноўнага складу Каардынацыйнай рады, актывістка «Моладзевага блёку» Алана Гебрэмарыям. Студэнтаў затрымалі 12 лістапада 2020 году за ўдзел у акцыях пратэсту. Вольга Філатчанкава ўдзельнічала ў страйку супрацоўнікаў унівэрсытэту і была адной з удзельніц відэазвароту супраць гвалту.

Фігурантаў справы абвінавачваюць у групавых дзеяньнях, якія груба парушаюць грамадзкі парадак і зьвязаныя зь яўным непадпарадкаваньнем законным патрабаваньням прадстаўнікоў улады, якое прывяло да парушэньня працы ўстановаў і транспарту. Ім пагражае да трох гадоў турмы. Праваабаронцы прызналі ўсіх іх палітвязьнямі.

У пятніцу каля Дома правасудзьдзя ў Менску, дзе пачаўся разгляд «справы студэнтаў», затрымалі 14 чалавек.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG