Лінкі ўнівэрсальнага доступу

Зьняволеных беларускіх праваабаронцаў і валянтэраў «Вясны» ўганаравалі чэскай прэміяй Homo Homini


Марфа Рабкова, Андрэй Чапюк, Леанід Судаленка і Тацяна Ласіца.

«Чэская грамадзкая арганізацыя „Чалавек у бядзе“ (People in Need) узнагародзіць прэміяй Homo Homini чатырох сябраў беларускай праваабарончай арганізацыі „Вясна“, якія зазнала перасьлед за адсочваньне затрыманых пратэстоўцаў, дакумэнтаваньне парушэньняў правоў чалавека і аказаньне дапамогі ахвярам міліцэйскага гвалту. Ім пагражае да 12 гадоў пазбаўленьня волі за законную праваабарончую дзейнасьць», — паведамляецца на старонцы арганізацыі ў фэйсбуку.

Прэмія «Чалавек чалавеку» (Homo Homini) — прэмія ў галіне правоў чалавека, заснаваная ў 1994 годзе чэскай няўрадавай арганізацыяй «Чалавек у бядзе». Прысуджаецца асобам, якая ўнесла «значны ўклад у прасоўваньне правоў чалавека, дэмакратыі і негвалтоўных мэтадаў вырашэньня грамадзка-палітычных канфліктаў». Уручаецца падчас штогадовага кінафэстывалю дакумэнтальных фільмаў аб правах чалавека «Адзін сьвет».

Уручэньне прэміі «Чалавек чалавеку» Алесю Бяляцкаму. Уручае Вацлаў Гавэл. 2006 год.
Уручэньне прэміі «Чалавек чалавеку» Алесю Бяляцкаму. Уручае Вацлаў Гавэл. 2006 год.

За час свайго існаваньня прэмія была ўручаная двум дзясяткам праваабаронцаў і дысыдэнтаў з розных краінаў сьвету. У 2005 годзе ёю ўганаравалі беларускага праваабаронца, старшыню Праваабарончага цэнтру «Вясна» Алеся Бяляцкага. Прэмію тады ўручаў вядомы грамадзкі дзеяч і палітык Вацлаў Гавэл.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG