На думку дыплямата, Эўразьвяз мог бы прапанаваць больш эканамічных стымулаў, калі Мʼянма вернецца да дэмакратыі.
«Ня дзіўна, што Расея і Кітай блякуюць спробы Рады Бясьпекі ААН, напрыклад увесьці эмбарга на пастаўкі зброі», — заявіў ён.
На думку Бурэля, геапалітычная канкурэнцыя ў краіне «вельмі ўскладніць пошук агульнай мовы, але мы абавязаныя паспрабаваць».
Старшыня дыпляматычнай службы ЭЗ зьвярнуў увагу на забойствы цывільных грамадзянаў, у тым ліку дзяцей, супрацоўнікамі сілавых ведамстваў.
«Сьвет з жахам назірае, як армія ўжывае гвалт супраць уласнага народу», — пракамэнтаваў ён.
Кітай і Расея маюць сувязі з узброенымі сіламі Мʼянмы — абедзьве краіны пастаўляюць туды зброю.
На мінулым тыдні Рада Бясьпекі ААН заклікала вызваліць лідэрку краіны Аўн Сан Су Чжы і іншых затрыманых вайскоўцамі, але не асудзіла сам дзяржаўны пераварот.
Вайскоўцы ўчынілі пераварот у Мʼянме 1 лютага, арыштаваўшы фактычную лідэрку краіны Аўн Сан Су Чжы і іншых членаў ураду. З тых часоў адбываюцца пратэсты супраць перавароту. Іх удзельнікаў жорстка разганяюць сілавікі. Паводле дадзеных СМІ, з прычыны здушэньня пратэстаў вайскоўцамі ўжо загінулі ня менш за 700 чалавек.
Крытыка з боку міжнароднай супольнасьці і санкцыі Захаду пакуль не прымусілі хунту зьмяніць курс.
