Лінкі ўнівэрсальнага доступу

На Алясцы загінуў найбагацейшы чалавек Чэхіі


Пэтр Келнэр

27 сакавіка на Алясцы разьбіўся верталёт, у якім знаходзіўся самы багаты чалавек Чэхіі, 56-гадовы мільярдэр Пэтр Келнэр. Навіну пра яго сьмерць пацьвердзіў чэскім мэдыя прадстаўнік фонду PPF, які кіраваў актывамі прадпрымальніка.

Келнэр ляцеў на борце верталёта, які разьбіўся каля ледавіка. Абставіны і прычына падзеньня пакуль невядомыя. Адзін мужчына ў аварыі выжыў, паводле зьвестак агенцтва Associated Press, ён праходзіць лячэньне ў шпіталі ў Анкарыдж, сталіцы Аляскі.

Associated Press паведамляе, што група, у складзе якой быў 56-гадовы Келнэр і яшчэ адзін чэх, 50-гадовы Бэнджамін Лараша, каталася на лыжах.

Келнэр — уладальнік Home Credit Bank празь фінансавую групу PPF (паводле гадавой справаздачы кампаніі за 2019 год, мільярдэр кантраляваў у ёй 98,93%). Гэты камэрцыйны банк быў адным зь лідэраў расейскага рынку спажывецкага крэдытаваньня ў Расеі, а акрамя Расеі, таксама працаваў у Казахстане. Forbes ацэньваў багацьце Келнэра больш чым у 293 млрд чэскіх кронаў, гэта значыць больш за $10 млрд. Значную частку прыбытку бізнэсу чэскага мільярдэра забясьпечвала менавіта фінансавая група Home Credit, якая працуе ў Чэхіі, Славаччыне, Расеі, Казахстане, Кітаі, Індыі, Інданэзіі, на Філіпінах, у Віетнаме і ў ЗША. Сама арганізацыя заяўляла, што ў яе больш за 119 млн кліентаў па ўсім сьвеце.

PPF таксама належалі актывы сотавага апэратара O2 ў Чэхіі і тэлеканалу ProTV ў Кішынэве, аднаго з самых папулярных прыватных тэлеканалаў у Малдове.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG