З самай раніцы над менскім «Каскадам» залунаў бел-чырвона-белы сьцяг
Салігорск. Ператрус у Батуева
У салігорскага актывіста Паўла Батуева праводзяць ператрус, напісаў ён у фэйсбуку. Яго затрымлівалі 25 сакавіка, увесь дзень трымалі ў пастарунку, але тады пад вечар адпусьцілі.
У Магілёве невядомыя размалявалі белымі і чырвонымі палосамі лесапарк
Здарылася гэта ў Пячэрскім лесапарку, на ўскрайку пасёлку, які ў Магілёве называюць «Дачным». Мясцовыя жыхары паведамілі, што ранкам на бярозах убачылі палосы, нанесеныя фарбай у выглядзе бел-чырвона-белага сьцяга. Падобныя графіці зьявіліся і ў самім пасёлку.
Зьехалася шмат міліцыянтаў, якія фіксуюць намаляванае.
Менск. Калёна тэхнікі сілавікоў на Партызанскім праспэкце
І на плошчы Якуба Коласа
Затрыманьні і праверкі каля «Пушкінскай»
Каля станцыі мэтро «Пушкінская» пачаліся затрыманьні, у асноўным затрымліваюць маладых людзей. Таксама выбарачна спыняюць і глядзяць мабільныя тэлефоны, паведамілі «Белсату» чытачы.
Сьледчы камітэт прыгразіў крымінальным артыкулам тым, «хто адгукнецца на заклікі тэлеграм-каналаў»
Упраўленьне сьледчага камітэту па Менску пачало крымінальную справу па факце заклікаў тэлеграм-каналаў да «несанкцыянаванай акцыі». Крымінальную вытворчасьць пачалі па артыкуле аб арганізацыі групавых дзеяньняў, якія груба парушаюць грамадзкі парадак.
«Сьледчы камітэт папярэджвае, што асобы, якія паддадуцца названым заклікам і прымуць удзел у несанкцыянаваных масавых мерапрыемствах, будуць прыцягвацца да крымінальнай адказнасьці», — гаворыцца ў паведамленьні ведамства.
Затрыманьні каля Акадэміі навук
Затрыманьні ў раёне плошчы Бангалор
У раёне плошчы Бангалор, паміж вуліцамі Кульман і Арлоўскай, адбыліся затрыманьні, паведаміў «Белсат».
Па адным затрымліваюць людзей каля «МакДоналдса» побач з плошчай
На плошчы Якуба Коласа шмат сілавікоў
Перакрылі вуліцу Сурнанава ад перакрыжаваньня з вуліцай Якуба Коласа ў бок плошчы Бангалор
Акадэмія навук. Сілавікі нясуць затрыманага мужчыну
«Што гэта такое? Проста стаяў на прыпынку»
У Менску перакрываюць Кастрычніцкую плошчу
Пра гэта паведамляе Белсат. Плошча Бангалор ужо аточаная, рух вакол спынены, утварыліся коркі.
Перарылі падʼезды да плошчы Бангалор. Утварыліся коркі
Нацыянальны сьцяг у менскім Уруччы
У мікрараёне Ўручча ў Менску вынесьлі бел-чырвона-белы сьцяг, паведамляюць чытачы Tut.by, якія зьнялі відэа.
Сілавікі і спэцтэхніка дзяжураць і каля палаца незалежнасьці на праспэкце Пераможцаў
Патруль каля Акадэміі навук
Разблякавалі плошчу Бангалор у Менску
Сотні чалавек прыйшлі да Плошчы Багналор, прагульваюцца
Паўсюдна ў ваколіцах плошчы Бангалор у Менску прагульваюцца сотні чалавек, паведамляе «Наша ніва». Усе без сымболікі. Калі хтосьці з кіроўцаў пачынае сігналіць, людзі паказваюць знак салідарнасьці. Народу шмат, але паколькі шмат спэцтэхнікі, то стараюцца не прыцягваць да сябе ўвагі.