Лінкі ўнівэрсальнага доступу

У Расеі чатыром беларусам далі арышты за бел-чырвона-белы сьцяг


Жаночая акцыя ў Санкт-Пецярбургу ў падтрымку дэмакратычнай Беларусі, 10 кастрычніка 2020

Васілеастроўскі раённы суд Санкт-Пецярбургу прызначыў адміністрацыйны арышт на тэрмін ад двух да сямі сутак чатыром грамадзянам Беларусі за арганізацыю няўзгодненага мерапрыемства ў горадзе 24 студзеня.

Пра гэта паведамляе ТАСС са спасылкай на аб'яднаную прэс-службу судоў Пецярбургу.

Юліі Штанько далі сем сутак адміністрацыйнага арышту, Паўлу Штанько – пяць сутак, Жаньне Галеевай – пяць сутак і Ягору Мякіньнікаву – двое сутак.

Усіх іх прызналі вінаватымі паводле адміністрацыйнага артыкула аб парушэньні парадку сходу, мітынгу, дэманстрацыі, шэсьця або пікетаваньня. Паводле пратаколаў, яны правялі на Марской набярэжнай у Пецярбургу публічнае мерапрыемства, дзе дэманстравалі бел-чырвона-белыя сьцягі «ў падтрымку пратэстоўцаў у Беларусі».

Паведамляецца таксама, што падчас акцыі Беларусы сьпявалі песьню «Падводная лодка» гурту N.R.M. Паводле выданьня «МБХ медиа», паміж куплетамі Юлія Штанько сказала фразу «свабоду Навальнаму».

Разам зь імі быў затрыманы сябра беларускага зямляцтва Ўладзімер Драгун, грамадзянін Расеі. У дачыненьні да яго таксама склалі пратакол паводле таго ж самага артыкулу, але суд у ягонай справе перанесьлі на 26 сакавіка.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG