Лінкі ўнівэрсальнага доступу

Крымінальныя суды і выракі 25 сакавіка: горадзенцу замянілі «хімію» на турэмнае зьняволеньне


Мікіта Самарын

Хроніка судовага перасьледу ў крымінальных справах 25 сакавіка.

Мікіту Самарыну 25 сакавіка ў Горадзенскім абласным судзе прызначылі новае пакараньне — 2,5 года пазбаўленьня волі замест 4 гадоў «хіміі». Справу разглядала судовая калегія ў складзе судзьдзяў Андрэя Ліхача, Уладзімера Яўхуты і Валера Раманоўскага, піша Hrodna Life.

Суму кампэнсацыі пацярпеламу амапаўцу Біліду павялічылі — з 500 да 2000 рублёў.

Сам Мікіта ў суд не зьявіўся. Ён накіраваў ліст празь сябра. Паводле яго інфармацыі, у залі суду плянавалі адвольныя затрыманьні, што пагражала яму і прысутным. У будынку суду сапраўды знаходзіліся сілавікі.

Самарына асудзілі паводле арт. 364 КК за распыленьне газу ў твар амапаўцам 25 жніўня. Пасьля затрыманьня 5 кастрычніка Мікіту кінулі ў мікрааўтобус у кайданках, зацягнутых вышэй запясьцяў — там у яго засталіся шнары ад рэзаных ран. У аўтобусе Самарыну нажом абрэзалі доўгія валасы.

Затым у Галоўнай управе па арганізаванай злачыннасьці яму загадалі даць паказаньні на сябе пад пагрозай завядзеньня крымінальнай справы супраць затрыманага разам зь ім сябра, а самога Самарына пагражалі вывезьці ў лес.

Пракуратура палічыла 4 гады «хіміі» замалым пакараньнем, таму зрабіла перагляд прысуду. На яе думку, першы суд «не ўлічыў характар прычыненых пацярпеламу амапаўцу Біліду фізычных і маральных пакутаў». Пры гэтым сьведкі на судзе сьведчылі на карысьць Самарына, а Біліда пры першым аглядзе 25 жніўня прызнаўся, што сам распыліў газ сабе ў твар.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG