Лінкі ўнівэрсальнага доступу

Невядомыя зладзілі пагром у пад’езьдзе. Прычына — бел-чырвона-белае падсьвечваньне дома


Невядомыя ў пад'езьдзе ідуць зьнічшаць бел-чырвона-белае падсьвечваньне ў Брылевічах, Менск, 24 сакавіка 2021 году

Здарэньне адбылося ўначы ў Менску позьнім вечарам 24 сакавіка.

Жыхары дома на праспэкце Дзяржынскага, 119, што ў мікрараёне Брылевічы, укруцілі белыя і чырвоныя лямпачкі ў адным з пад’ездаў. Увечары дом дзякуючы пад’езду стаў гарэць белым і чырвоным пасьля доўгага перапынку, піша тэлеграм-канал «МотолькоПомоги».

Дом з падсьвечваньнем у нацыянальных колерах, 24 сакавіка 2021 году, Брылевічы, Менск
Дом з падсьвечваньнем у нацыянальных колерах, 24 сакавіка 2021 году, Брылевічы, Менск

Падзеі адбываліся ў дзясятым пад’езьдзе гэтага дома. Прыкладна а 21-й гадзіне пад’езд падсьвятліў дом у бел-чырвона-белыя колеры, а палове на дванаццатую туды прыехалі невядомыя, хутчэй за ўсё сілавікі, у чорнай і аліўкавай форме.

Частку пляфонаў разьбілі палкамі або вырвалі, частку пафарбавалі ў зялёны колер — пад афіцыйны сьцяг.

Пляфон, пафарбаваны ў зялёны колер
Пляфон, пафарбаваны ў зялёны колер

Усе нападнікі былі ў балаклавах, іх арганізаваны прыезд і дзеяньні ў пад’езьдзе зафіксавалі камэры відэаназіраньня ў пад’ездах. Налёт адбываўся на вачах жыхароў суседніх дамоў.

Увечары 24 сакавіка ў шэрагу раёнаў Менску людзі запускалі салюты ў гонар Дня Волі. Гэта адбывалася, нягледзячы на патруляваньне вуліц, якое сілавікі сур'ёзна ўзмацнілі напярэдадні 25 сакавіка.

Удзень 24 сакавіка з вакна адной з аўдыторый Беларускага дзяржаўнага ўнівэрсытэту вывесілі вялікі бел-чырвона-белы сьцяг, неўзабаве на месца прыбыў АМАП. Таксама нацыянальныя сьцягі зьяўляліся 24 сакавіка і ранкам 25 на розных дамах у сталіцы краіны.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG