Лінкі ўнівэрсальнага доступу

Магілёўскі актывіст, які трапіў у шпіталь, заявіў, што яго пабіў міліцыянт


Аляксей Барысаў
Аляксей Барысаў

Сьледчы камітэт ужо правёў апытаньне пацярпелага.

Аляксея Барысава затрымалі раніцай 23 сакавіка ля дому, калі ён выходзіў на працу. Як ён сьцьвярджае, дарогай ва ўпраўленьне па барацьбе з арганізаванай злачыннасьцю яго пабіў адзін зь міліцыянтаў. Цяпер актывіст у абласной лякарні. 24 сакавіка ён меўся быць у гарадзкой пракуратуры, куды яго выклікалі.

Зьбіты актывіст Аляксей Барысаў
Зьбіты актывіст Аляксей Барысаў

Па словах Аляксея Барысава, міліцыянт біў яго ў машыне за тое, што падымаў галаву. Нагодай жа для затрыманьня стала падазрэньне апэратыўнікаў у адміністраваньні ім шэрагу чатаў, якія ва ўпраўленьні па барацьбе з арганізаванай злачыннасьцю лічаць экстрэмісцкімі. Допыт тычыўся менавіта гэтага пытаньня.

У Ленінскім раённым аддзеле міліцыі, куды яго завезьлі пасьля допыту, распачалі адміністрацыйную справу за лягатып, занесены ў Рэспубліканскі сьпіс экстрэмісцкіх матэрыялаў. Яго адшукалі ў адным з дваровых чатаў, які, паводле актывіста, ён даўно выдаліў.

У аддзеле Аляксею Барысаву стала кепска, і хуткай дапамогай яго даставілі ў абласную лякарню. Мэдыкі выявілі нэўралягічныя сымптомы, высокі ціск і шпіталізавалі мужчыну. Дыягназ пакуль ня выстаўлены. У актывіста пад вокам сіняк.

Мэдыкі пра пабіцьцё паведамілі ў Сьледчы камітэт, яго супрацоўнік ужо правёў апытаньне.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG