Лінкі ўнівэрсальнага доступу

Лідэра АГП Мікалая Казлова затрымалі. Ён на Акрэсьціна


Мікалай Казлоў

Старшыня Абʼяднанай грамадзянскай партыі зьнік вечарам 22 сакавіка. Ён пайшоў да сябра і перад выхадам напісаў яму «Калі праз 15 хвілін мяне ня будзе, — значыць, затрымалі». Пасьля гэтага сувязь зь ім прапала. 

23 сакавіка намесьніца кіраўніка АГП Антаніна Кавалёва паведаміла, што Мікалай Казлоў знаходзіцца ў цэнтры ізаляцыі правапарушальнікаў на 1-м завулку Акрэсьціна ў Менску, перадае БелаПАН.

На пачатку сакавіка ў адносінах да лідэра Аб’яднанай грамадзянскай партыі, сябра Каардынацыйнай рады, падпалкоўніка міліцыі ў запасе Мікалая Казлова завялі крымінальную справу за «наўмыснае разгалошваньне дадзеных дазнаньня, папярэдняга сьледзтва ці закрытага судовага пасяджэньня». Санкцыя прадугледжвае ад штрафу да 3 гадоў пазбаўленьня волі.

Мікалай Казлоў тады сказаў Свабодзе, што ягоная справа датычыць крымінальнага перасьледу сяброў Каардынацыйнай рады:

«Я ведаю, што наконт гэтага былі матэрыялы праверкі, але я перакананы, што ніякіх сакрэтных зьвестак я не разгалошваў. Апрача таго, што я гаварыў аб тым, што справа Каардынацыйнай рады сфабрыкаваная і людзі нявінна сядзяць.

Напэўна, Сьледчы камітэт мне помсьціць, што я не падпісаў у іх абавязаньне аб невыдаваньні, але гэта маё права на абарону. Галоснасьць — гэта таксама форма абароны. Яны хочуць, каб мы пахаваліся, а яны рабілі свае брудныя рэчы. Прававая сваволя ў Беларусі дасягнула неймаверных маштабаў».

Мікалай Казлоў пакінуў распараджэньні на выпадак, калі справа скончыцца пазбаўленьнем волі, паведаміла прэсавая служба АГП.

Ёе тройчы адмовіўся даць падпіску аб неразгалошваньні пасьля допытаў у Сьледчым камітэце — 30 сьнежня, 5 і 11 студзеня.

На трэцім допыце на яго склалі пратакол паводле арт. 23.4 КаАП. 18 лютага суд Партызанскага раёну Менску пастанавіў арыштаваць лідэра АГП на 15 сутак і адпусьціў яго з залі суду. Абарона падала скаргу на рашэньне, і 2 сакавіка яго адмянілі — справу перадалі для разгляду іншаму судзьдзі.

Другі пратакол суд вярнуў у міліцыю на дапрацоўку, а заплянаваны яшчэ на 26 лютага суд перанесьлі на няпэўны тэрмін.

Па факце трэцяй адмовы ад падпіскі аб неразгалошваньні Мікалай Казлоў мусіў зьявіцца для дачы тлумачэньняў у Партызанскае РУУС Менску 1 сакавіка. Аднак адтуль яго адправілі ў ЦІП на Акрэсьціна. 4 сакавіка яго вызвалілі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG