Лінкі ўнівэрсальнага доступу

«Аптымізуем іншыя расходы». Мінадукацыі Беларусі заблякавала рашэньні ВНУ аб росьце аплаты за навучаньне


Студэнцкая актыўнасьць, кастрычнік 2020

Міністар адукацыі Ігар Карпенка адрэагаваў на інфармацыю пра падвышэньне цаны навучаньня ў дзяржаўных ВНУ. Па яго словах, пытаньне абмяркоўвалася, але рашэньне пакуль не прынятае.

«Сапраўды, пытаньне росту цэнаў для студэнтаў-платнікаў абмяркоўваўся на нарадзе рэктараў, — адзначыў ён. — Разам з тым, міністэрства вывучыла магчымасьці ўстановаў вышэйшай і сярэдняй спэцыяльнай адукацыі па кампэнсацыі дадатковых выдаткаў, зьвязаных з падвышэньнем ад 1 студзеня заробнай платы работнікаў ВНУ і іншых затратаў пры рэалізацыі адукацыйных праграмаў на платнай аснове. Прынятае рашэньне не падвышаць вызначаную аплату».

Падвышэньне заробкаў і іншых выдаткаў на рэалізацыю адукацыйных праграмаў будзе ажыцьцяўляцца за кошт «аптымізацыі іншых расходаў», дадаў міністар.

Напярэдадні адміністрацыі шэраг ВНУ Беларусі папярэдзілі, што ад 1 красавіка чакаецца рост аплаты за навучаньне студэнтаў-платнікаў ад 5 да 12%.

Аднак некаторыя студэнты наракаюць, што ў іх навучальных установах тарыфы растуць без аніякага ўзгадненьня з галіновым міністэрствам.

«Вучуся ў Акадэміі мастацтваў на завочным аддзяленьні, 5 курс. Да пастаяннага росту аплаты мы ўжо прызвычаіліся, як правіла, гэта плюс 50-70 рублёў у пачатку кожнага навучальнага году. А перад гэтым сэмэстрам кошты зноў паднялі — амаль на 200 рублёў адразу. Калі па маёй спэцыяльнасьці „телеапэратара“ было 1494 рублі на год, то згодна з новым загадам рэктара ад 29 студзеня ажно 1676 рублёў. Для параўнаньня, на 1 курсе плацілі 960 рублёў», — паведаміў Свабодзе завочнік Акадэміі мастацтваў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG