Лінкі ўнівэрсальнага доступу

На кнігу «Мова 404» пра дыскрымінацыю за беларускую мову сабралі неабходную суму


Аліна Нагорная

Збор грошай адбываўся ў інтэрнэце. Неабходную суму сабралі за 5 дзён да заканчэньня кампаніі.

Прадстаўніца ініцыятывы «Умовы для мовы» Аліна Нагорная рыхтуе да выданьня кнігу «Мова 404». У ёй сабраныя 100 аповедаў пра тое, як у Беларусі за беларускую мову могуць зьняважыць, абразіць і нават пабіць.

Дзеля выданьня кнігі аўтарка запусьціла збор грошай у інтэрнэце на плятформе «Талака», і за 5 дзён да заканчэньня кампаніі збору ўся неабходная сума ўжо ёсьць — сабрана 4025 рублёў, патрабавалася 4 тысячы.

У кнізе, у прыватнасьці, надрукуюць гісторыю мастака, якога 8 гадзін білі на Акрэсьціна; пэнсіянэркі, якую не абслужылі ў банку; сьпявачкі, якую прынялі за ўкраінку; студэнткі, зь якой сьмяяліся; філёзафа, якога звольнілі з АНТ.

«Першы крок вырашэньня праблемы — асэнсаваньне яе грамадзтвам. У кнізе рэальныя гісторыі людзей, якія сутыкнуліся з моўнай дыскрымінацыяй», — гаворыць Нагорная.

У 2018 годзе Аліна Нагорная выпусьціла ў сааўтарстве зь Ігарам Случаком дапаможнік для абароны моўных правоў «Абаронім мову», а ў 2019 годзе арганізавала выданьне дзіцячай кніжкі «Кошык вожыка». Яе дарылі дзіцячым установам, дзе амаль няма літаратуры на беларускай мове.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG