Лінкі ўнівэрсальнага доступу

«Могуць абразіць і нават пабіць». Рыхтуецца кніга са 100 гісторыямі дыскрымінацыі за беларускую мову


Аліна Нагорная

Прадстаўніца ініцыятывы «Умовы для мовы» Аліна Нагорная рыхтуе да выданьня кнігу «Мова 404». У ёй сабраныя 100 аповедаў пра тое, як у Беларусі за беларускую мову могуць зьняважыць, абразіць і нават пабіць.

У кнізе, у прыватнасьці, гісторыя мастака, якога 8 гадзін білі на Акрэсьціна, пэнсіянэркі, якую не абслужылі ў банку, сьпявачку, якую прынялі за ўкраінку, студэнткі, зь якой сьмяяліся, філёзафа, якога звольнілі з АНТ.

«У Беларусі адбываецца дыскрымінацыя па прыкмеце мовы, зь ёй кожны дзень сутыкаюцца тысячы людзей. Я вырашыла зрабіць такі зборнік гісторый, каб грамадзтва ўбачыла праблему», — кажа Нагорная.

Для таго, каб выдаць кнігу, запушчаны краўдфандынг. Кожны можа замовіць сабе кнігу, а таксама атрымаць падарункі.

У 2018 годзе Аліна Нагорная выпусьціла ў сааўтарстве з Ігарам Случаком дапаможнік для абароны моўных правоў «Абаронім мову», а ў 2019 годзе арганізавала выданьне дзіцячай кніжкі «Кошык вожыка». Яе дарылі дзіцячым установам, дзе амаль няма літаратуры на беларускай мове.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG