Лінкі ўнівэрсальнага доступу

«Занадта мяккае рашэньне». Генпракуратура настойвае на пераглядзе прысуду журналістцы Кацярыне Барысевіч


Кацярына Барысевіч
Кацярына Барысевіч

Генэральная пракуратура падала ў Менскі гарадзкі суд апэляцыйны пратэст у крымінальнай справе журналісткі Tut.by Кацярыны Барысевіч і лекара гарадзкой лякарні хуткай дапамогі Арцёма Сарокіна.

Пра гэта са спасылкай на суд Маскоўскага раёну піша «СБ. Беларусь сегодня».

2 сакавіка абвешчаны прысуд у справе «аб падбухторваньні да разгалошваньня мэдычнай тайны». Абое фігурантаў да суду ўтрымліваліся пад вартай.

Згодна з матэрыяламі сьледзтва, Кацярына Барысевіч «вымусіла мэдыка даць інфармацыю» пра пацыента лякарні Рамана Бандарэнку, які памёр у гэтай установе 12 лістапада 2020 году.

Арцём Сарокін «паддаўся ўгаворам і зрабіў тое, чаго не павінен быў», — расказаў пра стан хворага пры паступленьні. Матэрыял быў апублікаваны на партале 13 лістапада.

У выніку Кацярыне Барысевіч прысудзілі 6 месяцаў пазбаўленьня волі ў калёніі ва ўмовах агульнага рэжыму і штрафу. Арцёма Сарокіна асудзілі на 2 гады з адтэрміноўкай на год і штраф. Мера стрыманьня для яго зьменена на падпіску аб нявыезьдзе.

У Генпракуратуры лічаць, што «проціпастаўленьне інфармацыі афіцыйным камэнтарам дзяржорганаў выклікала грамадзкі рэзананс і стварыла атмасфэру недаверу да кампэтэнтных службаў, нэгатыўна паўплывала на стан правапарадку і пацягнула за сабой цяжкія наступствы».

Таму адной з падставаў пратэсту на судовае рашэньне зьяўляецца «неадпаведнасьць прызначанага Кацярыне Барысевіч пакараньня з прычыны яго мяккасьці».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG