Пра гэта паведамляе інтэрнэт-рэсурс «Медуза» са спасылкай на выданьне «МБХ медиа».
Цімафеенку прызналі вінаватым ва ўжываньні небясьпечнага гвалту да прадстаўніка ўлады (частка 2 артыкула 318 КК РФ). Паводле вэрсіі сьледзтва, 23 студзеня ў часе акцыі ў падтрымку Аляксея Навальнага мужчына пырснуў з газавага балёнчыка ў твар супрацоўніку паліцыі. Той атрымаў хімічны апёк вачэй, лячэньне заняло 3 тыдні.
Гэта другі прысуд па крымінальных справах пасьля зімовых акцый у падтрымку Навальнага, пра які стала вядома, і першы, у рамках якога прызначаны рэальны тэрмін пазбаўленьня волі. Раней жыхар Кастрамы быў асуджаны за ўжываньне гвалту да паліцэйскага на акцыі 23 студзеня, атрымаў паўтара года прымусовых работ.
- 23 студзеня прайшла першая з сэрыі акцый у падтрымку апазыцыянэра Аляксея Навальнага. Наступныя акцыі адбыліся 31 студзеня, 2 і 14 лютага. Паводле зьвестак праваабаронцаў, у сувязі з пратэстамі па ўсёй краіне затрымалі больш за 10 тысяч чалавек, былі распачатыя прынамсі 40 крымінальных спраў.
- Акцыі былі зьвязаныя з затрыманьнем Аляксея Навальнага адразу пасьля яго вяртаньня зь Нямеччыны 17 студзеня. У лютым суд прызнаў Навальнага вінаватым у парушэньні абавязкаў умоўнага асуджанага па справе «Іў Рашэ» і замяніў яму ўмоўны тэрмін на рэальны. Палітык атрымаў 2,5 года калёніі.