Зьмітра затрымалі 15 студзеня падчас традыцыйнай Курапацкай варты каля рэстарацыі «Поедем поедим».
Нягледзячы на тое, што трое сутак скончыліся 18 студзеня а 17.20 і Зьміцер хадайнічаў, каб яго выпусьцілі, бо прайшоў максымальна дапушчальны час, суд законнае патрабаваньне да ўвагі не прыняў.
У выніку Дашкевіча асудзілі на 15 сутак паводле народнага артыкулу 24.34 за ўдзел у «несанкцыянаваным масавым мерапрыемстве».
Зьміцер Дашкевіч стаіць у Курапацкай варце больш за два гады кожную пятніцу. Летась у лістападзе ён ужо быў пакараны арыштам на 15 сутак.