Лінкі ўнівэрсальнага доступу

Герхард Шродэр заявіў, што анэксія Крыму была парушэньнем міжнародных нормаў


Герхард Шродэр
Герхард Шродэр

Былы канцлер ФРН Герхард Шродэр, які цяпер займае пасаду старшыні рады дырэктараў «НК «Раснафта» і кіраўніка рады дырэктараў кампаніі Nord Stream 2, якая належыць «Газпраму», упершыню выступіў з публічнай крытыкай Крамля.

У інтэрвію часопісу «Шпігель», апублікаваным у суботу, 16 студзеня, ён прызнаў, што некаторыя дзеяньні расейскага кіраўніцтва парушаюць міжнародныя прававыя нормы.

«Мы ведаем, што Пуцін зьяўляецца важнай сілай у Расеі, але мы ня ведаем, ці сапраўды ён нясе адказнасьць за ўсё, што зьвязваюць з Расеяй», — падкрэсьліў Шродэр у інтэрвію. Былы канцлер таксама заявіў, што «анэксія Крыму была відавочным парушэньнем міжнароднага права». У той жа час ён ня лічыць санкцыі «правільнай рэакцыяй» на парушэньне міжнароднага права. «Я лічу іх бессэнсоўнымі», — сказаў Шродэр. На яго думку, «ніводзін прэзыдэнт Расеі ўжо ня верне Крым».

Камэнтуючы ў сваім інтэрвію часопісу «Шпігель» той факт, што міністар замежных спраў Расеі Сяргей Лаўроў нядаўна правёў афіцыйны абед з кіраўніком правапапулісцкай партыі «Альтэрнатыва для Нямеччыны» (АДГ), Шродэр сказаў, што лічыць гэта памылкай і ня можа растлумачыць гэты крок.

  • Герхард Шродэр быў канцлерам ФРН з кастрычніка 1998 па лістапад 2005 году. У верасьні 2017 году ён быў абраны старшынёй рады дырэктараў нафтавай кампаніі «Раснафта».
  • У пачатку верасьня 2005 году ў ходзе візыту расейскага прэзыдэнта Ўладзіміра Пуціна ў Нямеччыну было падпісанае пагадненьне аб будаўніцтве Паўночна-Эўрапейскага газаправоду паміж Расеяй і Нямеччынай па дне Балтыйскага мора. Шэраг прыбалтыйскіх краін выступілі супраць ажыцьцяўленьня гэтага праекту.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG