Лінкі ўнівэрсальнага доступу

Супрацоўніцы ІТ-сэктару, якой АМАП зламаў нагу, прыйшоў адказ са Сьледчага камітэту


Сілавікі на менскіх вуліцах. Архіўнае фота

Летась у жніўні супрацоўніца ІТ-кампаніі правяла ноч у турме на Акрэсьціна. Потым трапіла ў шпіталь зь цяжкай траўмай — пераломам надкаленьніка, што зафіксавалі лекары. Нагу, па словах дзяўчыны, зламалі ёй пры затрыманьні байцы АМАП.

Напярэдадні яна апублікавала ў сябе на старонцы ў Facebook адказ са Сьледчага камітэту.

Па выніках праверкі Савецкі раённы аддзел Сьледчага камітэту вырашыў адмовіць ва ўзбуджэньні крымінальнай справы. Паводле пацярпелай, на якую спасылаецца сайт dev.by, у жніўні амапаўцы высьпяткамі пагналі яе зь іншымі ў бок аўтазакаў.

«Я ня памятаю дакладна, у які момант мяне ўдарылі па калене. Зьбілі з ног, але і калі я ўжо ляжала на асфальце, білі нагамі ў берцах. Памятаю рэзкі боль у калене, не магла наступаць на нагу, калі цягнулі ў аўтазак. Тое, што гэта пералом, зразумела адразу і спрабавала хоць неяк фіксаваць калена ў патрэбным становішчы, што ўскладнялася тым, што іншыя амапаўцы штурхалі ў тое ж месца», — згадвае дзяўчына.

Дыягназ быў зафіксаваны лекарамі. Дзяўчына напісала скаргу разам з сотнямі іншых. Але ніводнай справы па фактах зьбіцьця, катаваньняў і забойстваў пратэстоўцаў не завялі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG