Лінкі ўнівэрсальнага доступу

Калектыўны імунітэт супраць COVID-19 не сфармуецца ў 2021 годзе, — экспэрт САЗ


Галоўная навуковая экспэртка Сусьветнай арганізацыі здароўя (САЗ) Сумія Свамінанат заявіла ў панядзелак, што калектыўны імунітэт да каранавірусу ня будзе дасягнуты ў 2021 годзе, нягледзячы на рост даступнасьці вакцынаў

Пра гэта паведамляе Deutshce Welle.

Фактары, якія перашкаджаюць фармаваньню калектыўнага імунітэту — абмежаваны доступ да вакцынаў у краінах разьвіцьця, перасьцярогі насельніцтва адносна вакцынацыі і патэнцыял мутацыі вірусаў, лічаць экспэрты ў галіне аховы здароўя.

Усё большая колькасьць краін па ўсім сьвеце, уключаючы ЗША, Вялікую Брытанію і краіны Эўразьвязу, знаходзяцца на першых этапах масавых вакцынацыяў.

Калектыўны, статкавы імунітэт узьнікае, калі дастатковая колькасьць насельніцтва мае імунітэт да інфэкцыі, каб ён перашкаджаў распаўсюджваньню хваробы.

«Мы ня здолеем дасягнуць папуляцыйнага, статкавага імунітэту ў 2021 годзе», — сказала Свамінанат на брыфінгу, падкрэсьліўшы пры гэтым, што такія захады, як фізычная дыстанцыя, мыцьцё рук і нашэньне масак, па-ранейшаму неабходныя для стрымліваньня пашырэньня COVID-19.

Яна высока ацаніла «неймаверны прагрэс», дасягнуты дасьледчыкамі ў распрацоўцы некалькіх бясьпечных і эфэктыўных вакцынаў.

Навукоўка з САЗ заклікала людзей быць цярплівымі, заявіўшы, што распаўсюд вакцынаў «патрабуе часу», паколькі маштаб вытворчасьці павінен складаць мільярды дозаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG