У навагодніх зваротах Лукашэнка і Ціханоўская цытавалі адзін і той жа верш Купалы

Ціханоўская — пачатак, Лукашэнка — канец. Сабралі паралелі і перакрыжаваньні з двух зваротаў.

Сьвятлана Ціханоўская: «Ужо шмат разоў было сказана, што 2020 быў складаным».

Аляксандар Лукашэнка: «Адыходзячы год быў яркім і своеасаблівым».

* * *

АЛ: «„Хто мы?“, „Што будзе з намі, нашымі дзецьмі?“, „Куды мы ідзём?“ і „Чаго мы хочам?“».

СЦ: «Кожны з нас выйшаў, каб усе мы вярнулі сабе наш агульны дом».

* * *

АЛ: «...Мы нацыя, здольная выжыць у гэтым бурлівым сьвеце толькі тады, калі мы адзіныя, калі мы разам».

СЦ: «2020 стаў годам, калі беларусы аб’ядналіся».

* * *

СЦ: «Мы пісалі на сьценах „Я выхожу“ — бо ніколі не забудзем Рамана Бандарэнку, а таксама Мікіту Крыўцова, Канстанціна Шышмакова, Генадзя Шутава, Аляксандра Віхора і Аляксандра Тарайкоўскага».

АЛ: «Людзі ў пагонах папярэдзілі нашых непрыяцеляў: абарона дзяржавы, грамадзкая бясьпека будуць забясьпечаны рашуча і без ваганьняў!»

* * *

АЛ: «Людзі ў белых халатах паказалі свой прафэсіяналізм у барацьбе зь цяжкімі хваробамі».

СЦ: «Мы абʼядналіся ў сакавіку і красавіку, каб дапамагчы мэдыкам, якія змагаліся за нашыя жыцьці».

* * *

АЛ: «Сапраўдныя настаўнікі і выкладчыкі прадэманстравалі ўзровень беларускай адукацыі».

СЦ: «Ідзе настаўніца, у якой дагэтуль у сумцы ляжыць белая стужка». «Ідзе студэнт, які заступіўся за аднагрупніцу, таму што каханьне падчас рэвалюцыі — гэта каханьне на ўсё жыцьцё».

* * *

СЦ: «Мы аб’ядналіся ў жніўні, каб аддаць свой голас за перамены».

АЛ: «Нашы перамены — гэта разьлічаная і прадуманая эвалюцыя».

* * *

АЛ: «Нам усім, хто бачыць сьвет па-рознаму, трэба ўсьвядоміць, што ў нас адзіная каштоўнасьць — кавалачак зямлі ў цэнтры Эўропы».

СЦ: «Дом — гэта месца, дзе цэняць і любяць усіх і кожнага: і тых, хто хоча перамен, і тых, хто яшчэ сумняваецца».

* * *

СЦ: «Мы абʼядналіся ў сьнежні, каб заявіць, што гатовыя да новага этапу ў нашай гісторыі, дзе мы будзем жыць паводле закону, адзінага для ўсіх».

АЛ: «...Давайце перагорнем старонку пройдзенага і будзем разам пісаць новую главу незалежнай Беларусі. Давайце будучы год зробім годам народнага адзінства».

* * *

СЦ: «А хто там ідзе?»

АЛ: «Людзьмі звацца»

ГЛЯДЗІЦЕ ТАКСАМА:

Чый навагодні зварот глядзелі беларусы — Лукашэнкі ці Ціханоўскай?

ГЛЯДЗІЦЕ ТАКСАМА:

Менчукі сьвяткавалі Новы год у дварах, галоўныя елкі былі ў ачапленьні

ГЛЯДЗІЦЕ ТАКСАМА:

Дзьмітрыя Баскава, якога зьвязваюць з канфліктам, які прывёў да сьмерці Бандарэнкі, заўважылі ў навагоднім звароце Лукашэнкі