Стваральніцу беларускага «Прэс-клюбу» Юлію Слуцкую абвінавацілі ва ўхіленьні ад выплаты падаткаў у асабліва буйным памеры — паводле ч. 2 арт. 243 Крымінальнага кодэксу.
Кіраўніку «Акадэміі Прэс-клюбу», грамадзяніну Расеі Сяргею Якупаву, які быў затрыманы разам зь іншымі супрацоўнікамі арганізацыі, абвінавачаньня ня выставілі. Сёньня яго даставілі пад канвоем на лётнішча і выслалі ў Расею.
Больш за 100 чалавек у Беларусі сустрэнуць Новы 2021 год пад адміністрацыйным арыштам паводле абвінавачаньняў ва ўдзеле ў несанкцыянаваных акцыях.
Палітвязень Віктар Бабарыка падзякаваў беларусам за тое, што яны зрабілі ў 2020 годзе, за дабрыню, адвагу, сумленнасьць, ахвярнасьць, любоў да адзін аднаго і краіны.
Радыё Свабода падзякfвала сваім слухачам, гледачам і чытачам за супольна праведзены час у 2020 годзе і павіншавала іх з Новым 2021 годам.
Кіраўнікі 23 моўных службаў і галоўны рэдактар мэдыякарпарацыі Радыё Свабодная Эўропа / Радыё Свабода (РСЭ/PC) накіравалі зварот да кіраўніка амэрыканскага Агенцтва глябальных мэдыя Майкла Пэка, у якім абвінавацілі яго ў «беспрэцэдэнтным адыходзе» ад прынцыпу палітычнай збалянсаванасьці і спробе абмежаваць незалежнасьць карпарацыі.
31 сьнежня Ангела Мэркель павіншавала жыхароў Нямеччыны з Новым годам. У сваім выступленьні яна сярод іншага сказала, што ня будзе змагацца за пасаду канцлера на выбарах, якія пройдуць праз 9 месяцаў.
