Лінкі ўнівэрсальнага доступу

«У органах ёсьць неабыякавыя людзі», — былы алмазавец Макар пра раскрыцьцё гучных справаў


Ігар Макар

Былы намесьнік камандзіра баявой групы «Алмазу» Ігар Макар расказаў Свабодзе пра настроі ў сілавых структурах, магчымасьці дапамогі тым, хто звальняецца празь нязгоду, і расьсьледаваньні гучных справаў, якія могуць быць абнародаваныя ў 2021 годзе.

Былы намесьнік камандзіра баявой групы «Алмазу» Ігар Макар расказаў Свабодзе пра настроі ў сілавых структурах, магчымасьці дапамогі тым, хто звальняецца празь нязгоду, і расьсьледаваньні гучных справаў, якія могуць быць абнародаваныя ў 2021 годзе.

Глядзіце размову на відэа.


Асноўныя тэзісы:

Ігар Макар
Ігар Макар
  • Мяне многія падтрымліваюць, але крыўдна, што самыя блізкія людзі выказваюць меркаваньне, што сваё падразьдзяленьне ганіць нельга. Я ня ведаю, чым я яго зганіў.
  • Год для супрацоўнікаў праваахоўных органаў аказаўся вельмі дрэнны і вельмі сур'ёзны. Дастаткова таго, што людзі Беларусі іх называюць карнікамі. Ёсьць шмат супрацоўнікаў, якія выконваюць злачынныя загады, праяўляюць ініцыятыву, зьбіваючы людзей, катуючы іх.
  • У «Беларускі народны трыбунал» піша шмат людзей, афіцэраў. Не магу гэта апублікаваць, але скажу дакладна, што героі ёсьць, і калі мы пераможам і апублікуем гэта, людзі пабачаць, што ў органах ёсьць людзі, неабыякавыя да таго, што адбываецца.
  • Чаму супрацоўнікі МУС, якія звольніліся праз свае перакананьні, маўчаць? Выказаны імі пункт гледжаньня можа стаць апошнім. Чалавека могуць адразу затрымаць, артыкул выбіраецца хутка. Будзе суд і турэмны тэрмін, і гэта ўсе разумеюць.
  • У мяне склалася вялікая база інфармацыі з таго, што мне пішуць супрацоўнікі — і пра заробкі, і пра крэдыты, і пра тое, як даюць жытло. Людзі не сыходзяць праз матэрыяльную частку і празь сямʼю.
  • Грамадзянская ініцыятыва «Беларускі народны трыбунал» стваралася дзеля таго, каб паказаць, што злачынствы рэжыму — гэта ня тое, што адбылося пасьля 9 жніўня, а гэта злачынствы, якія пачыналіся ў 1994–1996 гадах. Мы закранем справы зьніклых, апублікуем інфармацыю наконт выбуху ў мэтро, вернемся да выбухаў каля стэлы ў Менску і выбухаў у Віцебску, вернемся да таго, што зрабіў «Алмаз» у 2006 годзе ў ДК чыгуначнікаў супраць каманды Казуліна.
  • Мне дапамагаюць калегі з эўрапейскіх краінаў, мне вельмі дапамагаюць дзейныя супрацоўнікі, якія знаходзяцца ў Беларусі. Мне дапамагаюць супрацоўнікі, якія звольніліся, якія ўжо ў запасе.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG