Лінкі ўнівэрсальнага доступу

Лекары шпіталя хуткай дапамогі і журналісты Tut.by сталі да сьценкі на знак салідарнасьці з арыштаванымі калегамі. ФОТА


Флэшмоб лекараў шпіталя хуткай дапамогі (зьлева) і журналістаў Tut.by
Флэшмоб лекараў шпіталя хуткай дапамогі (зьлева) і журналістаў Tut.by

Лекары шпіталя хуткай мэдычнай дапамогі правялі акцыю салідарнасьці з затрыманым калегам — мэдыкам, які абверг словы ўладаў, нібыта падчас бойкі на «плошчы Пераменаў» Раман Бандарэнка быў п'яны. Мэдыкі трымалі ў руках аркушы з надпісам «0 праміле».

Сьледам за мэдыкамі супрацоўнікі парталу Tut.by сталі ў калідоры з аркушамі «0 праміле» (мэдычная экспэртыза не паказала наяўнасьці алькаголю ў крыві загінулага Рамана Бандарэнкі — насуперак сьцьверджаньням уладаў).

Ужо пятыя суткі ў СІЗА КДБ знаходзяцца доктар лякарні хуткай мэдыцынскай дапамогі Арцём Сарокін, якога Генпракуратура падазрае ў выдаваньні мэдычнай тайны пра сьмерць Рамана Бандарэнкі, і журналіст Tut.by Кацярына Барысевіч, якая напісала пра гэта артыкул.

У чым вінавацяць лекара і журналістку

Затрыманы лекар лякарні хуткай мэдычнай дапамогі Арцём Сарокін, якога Генпракуратура падазрае ў выдаваньні мэдычнай тайны, знаходзіцца ў СІЗА КДБ.

Пра гэта Свабодзе паведаміла ягоная жонка Натальля. Знаходжаньне пад вартай яму працягнулі і дазволілі перадаць перадачы. Затрыманы лекар працуе анэстэзіёлягам-рэаніматолягам у бальніцы хуткай мэдычнай дапамогі. Ён доктар найвышэйшай катэгорыі, яму 36 гадоў. Натальля таксама лекарка, яны маюць траіх дзяцей. Сям’я жыве ў Пухавіцкім раёне.

19 лістапада Генпракуратура паведаміла, што распачала крымінальную справу супраць доктара лякарні хуткай мэдычнай дапамогі і іншай асобы на падставе ч. 3 арт. 178 КК (выдаваньне мэдычнай тайны, якое прывяло да цяжкіх наступстваў).

Паводле Генпракуратуры, «наўмысна, без службовай неабходнасьці, падазраваны ўступіў у злачынную змову з прадстаўніком інтэрнэт-рэсурсу, якому паведаміў зьвесткі аб выніках мэдычнага агляду Рамана Бандарэнкі».

«Тым самым ён выдаў мэдычную тайну, пры гэтым даў недакладную інфармацыю, — заявілі ў Генпракуратуры. — Дзеяньні названых асобаў пацягнулі за сабой цяжкія наступствы, якія праявіліся ў павышэньні напружанасьці ў грамадзтве, стварэньні атмасфэры недаверу да кампэтэнтных дзяржаўных органаў, падахвочваньні грамадзян да агрэсіі і супрацьпраўных дзеяньняў».

Журналістка TUT.BY Кацярыну Барысевіч была аўтарам артыкула, дзе гаварылася, што ў крыві загінулага Рамана Бандарэнкі не было алькаголю. Кацярыну пакінулі ў СІЗА КДБ да прад’яўленьня абвінавачаньня. Яна праходзіць падазраванай паводле той самай ч. 3 арт. 178 КК. Яе затрымалі 19 лістапада. Крымінальную справу пачала Генпракуратура.

Што вядома пра сьмерць Рамана Бандарэнкі

Раман Бандарэнка
Раман Бандарэнка
  • Невядомыя ў масках пачалі зразаць бел-чырвона-белыя стужкі ў двары на вуліцы Чарвякова ўвечары 11 лістапада.
  • Пасьля вэрбальнага канфлікту зь мясцовымі жыхарамі невядомыя пачалі нападаць і біць жыхароў. Каля 22:16 некалькі чалавек забралі і зьвезьлі на бусах, падобных да тых, якімі карыстаюцца сілавікі.
  • Паводле непацьверджанай інфармацыі, каля 1,5 гадзіны Бандарэнка знаходзіўся ў Цэнтральным РУУС Менску.
  • У 0:05 Раман Бандарэнка паступіў у лякарню хуткай мэдычнай дапамогі зь вялікім ацёкам мозгу, закрытай чэрапна-мазгавой траўмай, субдуральнымі гематомамі, ударамі, абдзірынамі.
  • Паводле лекараў, ён быў у затарможаным стане, але ў апэрацыйную яго ўжо прывезьлі ў коме. Апэрацыя цягнулася некалькі гадзін.
  • Раман быў у крытычным стане.
  • ​ГУУС Менгарвыканкаму сьцьвярджае, што міліцыя прыбыла на месца толькі пасьля здарэньня. Рамана знайшлі непрытомнага і выклікалі хуткую. Адзін са сьведак здарэньня расказаў Свабодзе, што міліцыя прыяжджала яшчэ тады, калі невядомыя зразалі стужкі, «аднак хутка зьехала, нічога не зрабіўшы».
  • Сьледчы камітэт заявіў, што мужчына быў пʼяны. Аднак мэдыкі гэтую заяву абверглі — у крыві Бандарэнкі алькаголю не было.
  • 19 лістапада затрымалі журналістку Tut.by Кацярыну Барысевіч і лекара Арцёма Сарокіна. Кацярына Барысевіч была аўтаркай артыкула, дзе гаварылася, што ў крыві загінулага Рамана Бандарэнкі не было алькаголю. Інфармацыю пра гэта ёй перадаў лекар Арцём Сарокін. Пачатак суду над імі прызначаны на 19 лютага.
  • 18 лютага 2021 году, на соты дзень пасьля сьмерці Рамана, Генпракуратура паведаміла яго маці Алене Бандарэнцы, што па факце сьмерці яе сына пачалі крымінальную справу.
  • 17 верасьня 2021 справу прыпынілі«з прычыны неўстанаўленьня асобы, якая падлягае прыцягненьню ў якасьці абвінавачанага».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG