Мітрапаліт Тадэвуш Кандрусевіч адслужыў імшу ў віленскім касьцёле Сьвятой Тэрэзы (пры Вострай Браме). На пачатку службы ён заклікаў маліцца за Беларусь і зрабіў некалькі важных заяваў.
У заяве на сайце МУС новапрызначаны Лукашэнкам міністар унутраных спраў Іван Кубракоў згадаў, што 21 лістапада 1920 году на паседжаньні Народнага камісарыяту ўнутраных спраў было ўтворана палітычнае ўпраўленьне.
Генадзя Коршунава, вызваленага ад пасады дырэктара Інстытуту сацыялёгіі Акадэміі навук, канчаткова звольнілі з інстытуту. Сацыёляг заставаўся там навуковым супрацоўнікам і дактарантам.
19 лістапада на свой суд па крымінальным абвінавачаньні не зьявіўся шматразовы чэмпіён сьвету па кікбоксінгу і тайскім боксе Аляксей Кудзін.
Cтудэнтцы БДУ, прэс-сакратарцы «Задзіночаньня беларускіх студэнтаў» Ксеніі Сырамалот і студэнту БДУ, актывісту «Задзіночаньня беларускіх студэнтаў» Ягору Канецкаму прад’яўлена абвінавачаньне па ч.1 артыкула 342 Крымінальнага кодэксу (Арганізацыя і падрыхтоўка дзеяньняў, якія груба парушаюць грамадзкі парадак, альбо актыўны ўдзел у іх).
21 лістапада адразу некалькі менскіх дваровых чатаў зьмянілі сваю аватарку на дзяржаўны сьцяг ці герб — у папярэдніх выпадках гэта служыла прыкметай, што чат перайшоў пад кантроль невядомых.
Кіраўнік хакейнай фэдэрацыі Даніі Генрык Бак Нільсэн сказаў, што калі пацьвердзіцца гісторыя з Баскавым, то правядзеньне чэмпіянату сьвету ў Беларусі «будзе падобным да падліваньня бэнзіну ў агонь».
Беларускі гурт Pomidor/OFF прысьвяціў песьню «Я выхожу» Раману Бандарэнку, а таксама ўсім арыштаваным, катаваным, забітым грамадзянам Рэспублікі Беларусь падчас падзеяў 2020 году, за апошнія 26 год і за ўвесь час існаваньня савецкай улады.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў