Лінкі ўнівэрсальнага доступу

Славаччына стала першай у сьвеце краінай, якая праводзіць ўсеагульнае тэставаньне на COVID-19


Усё насельніцтва Славаччыны будзе пратэставанае на наяўнасьць каранавірусу. Тыя, хто не пагодзіцца прайсьці тэст, будуць аштрафаваныя.

Славаччына стала першай краінай у сьвеце, якая вырашыла правесьці ўсеагульнае тэставаньне насельніцтва на наяўнасьць каранавірусу. У Славаччыне жыве каля 5,4 мільёна чалавек. У кампанію тэставаньня ўключыцца амаль 45 000 тысяч супрацоўнікаў службы здароўя, а таксама армія і паліцыя. Урад плянуе правесьці тэсты ў пяці тысячах кантрольных пунктаў.

Насельніцтва будзе тэставацца шляхам так званых антыгенных тэстаў. Хоць удзел у тэставаньні ня лічыцца абавязковым, нязгодныя з правядзеньнем тэсту могуць быць аштрафаваныя.

Тыя, чый тэст пакажа станоўчы вынік, будуць аўтаматычна накіраваныя на 10-дзённы карантын. Першы этап ўсеагульнага тэставаньня ў Славаччыне будзе доўжыцца два дні. Чарговыя этапы плянуецца правесьці ў будучыя выходныя.

Да гэтага часу ў Славаччыне выяўлена больш за 55 000 тысяч выпадкаў заражэньня каранавірусам, ад COVID-19 памерла 212 пацыентаў.

Пра пляны правядзеньня усеагульных тэстаў заявілі таксама Манака і Люксэмбург.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG