Лінкі ўнівэрсальнага доступу

Міністар абароны ЗША: Прычына перакіданьня войскаў ЗША на ўсход Эўропы — пагрозы з боку РФ


Марк Эспэр

Пра гэта Марк Эспэр заявіў, выступаючы на пасяджэньні Атлянтычнай Рады.

«Ня трэба быць геніяльным палкаводцам, каб зразумець, што ЗША варта ўзмацняць вайсковую прысутнасьць на ўсходзе Эўропы», — сказаў ён.

«Мы хочам зьменшыць вайсковую прысутнасьць толькі ў Нямеччыне, а не ў Эўропе ў цэлым. Нам трэба перадысьлякаваць сілы, таму што ведаем пра зьвязаныя з Расеяй пагрозы, зь якімі сутыкаюцца нашы саюзьнікі», — патлумачыў кіраўнік Пэнтагону.

«Гаворка ідзе проста пра здаровы сэнс. Ня трэба быць Напалеонам або генэралам Макартурам, каб паглядзець на мапу і ўсьвядоміць, што чым далей на ўсход Эўропы знаходзіцца краіна, тым больш мы можам там зрабіць, каб такім чынам супакоіць нашых саюзьнікаў», — сказаў Эспэр. Ён падкрэсьліў, што гаворка ідзе пра краіны Балтыі, Польшчу, Баўгарыю, Румынію.

«Нам трэба перасунуць сілы трохі на ўсход», — адзначыў ён, камэнтуючы прынятае раней у 2020 годзе рашэньне ЗША скараціць вайсковую прысутнасьць у Нямеччыне, але пры гэтым павялічыць яе ў іншых краінах, у тым ліку на ўсходзе Эўропы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG