Лінкі ўнівэрсальнага доступу

У Берасьці на акцыі пратэсту затрымалі прынамсі 25 чалавек


Берасьце, архіўнае фота

У Берасьці 11 кастрычніка на акцыі пратэсту «Марш гонару» затрымалі ня менш за 25 чалавек, паведаміў БелаПАН праваабаронца Раман Кісьляк.

Паводле Кісьляка, з 14.00 у розных частках горада групы людзей з бел-чырвона-белымі сьцягамі выстройваліся ў ланцугі салідарнасьці. Каля 16.30 у цэнтры Берасьця на пешаходнай вуліцы Савецкай сабралася больш за 150 чалавек. Калёнай яны прайшлі да набярэжнай Францішка Скарыны, скандуючы: «Верым, можам, пераможам!», «Жыве Беларусь!», «Лукашэнку ў аўтазак».

Сілавікі затрымлівалі ўдзельнікаў акцыі па ходзе руху калёны: каля кінатэатру «Беларусь», на скрыжаваньні Савецкай з праспэктам Машэрава, на набярэжнай. Пасьля 18.00 людзі разышліся.

Да пачатку акцыі сілавікі затрымалі журналістаў Мілану Харытонаву і Алеся Леўчука.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG