Вялікая Брытанія асуджае рашэньне Беларусі выслаць польскіх і літоўскіх дыпляматаў. «Яно цалкам неабгрунтаванае і толькі ізалюе беларускі народ». — гаворыцца ў Твітары Амбасады Вялікай Брытаніі ў Беларусі, які цытуе міністра замежных справаў каралеўства.
«У знак салідарнасьці мы часова адклікаем нашага амбасадара для кансультацый і абмеркаваньня сытуацыі ў краіне». —напісаў Домінік Рааб.
Польшча на патрабаваньне Менску адклікала для кансультацыяў свайго амбасадара і адклікала 32-х сваіх дыпляматаў, Літва — амбасадара для кансультацыяў і 5 дыпляматаў. У якасьці жэсту салідарнасьці шэраг дзяржаваў ЭЗ таксама адклікалі сваіх амбасадараў ці заявілі пра такое рашэньне. Гэта — Латвія, Эстонія, Чэхія, Славаччына, Румынія, Баўгарыя, Нямеччына.
.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў