Кіраўнік замежнапалітычнай службы ЭЗ Жузэп Бурэль у распаўсюджанай у нядзелю заяве пракамэнтаваў рашэньне ўладаў Беларусі скараціць дыпляматычную прысутнасьць Польшчы і Літвы пасьля ўвядзеньня санкцый ЭЗ супраць афіцыйнага Менску.
«Патрабаваньне Менску, каб Польшча і Літва адклікалі сваіх паслоў і істотна скарацілі свае дыпмісіі ў Беларусі, неабгрунтаванае і вартае жалю. Яно ідзе супраць лёгікі дыялёгу і будзе яшчэ глыбей ізаляваць улады ў Менску», – заявіў Бурэль.
Паводле эўрачыноўніка, спробы беларускіх уладаў атакаваць пэўныя краіны – чальцы ЭЗ не прывядуць да паслабленьня адзінства эўрасупольнасьці.
«Эўразьвяз працягвае падтрымліваць дэмакратычнае права беларускага народу выбіраць свайго прэзыдэнта з дапамогай новых свабодных і справядлівых выбараў бяз вонкавага ўмяшаньня». – гаворыцца ў заяве кіраўніка замежнапалітычнай службы ЭЗ.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў