Лінкі ўнівэрсальнага доступу

Украіна бачыць патэнцыйную пагрозу для сябе ў задушэньні пратэстаў у Беларусі


Андрэй Ярмак

Украіна бачыць патэнцыйную пагрозу для сябе ў задушэньні пратэстаў у Беларусі, заявіў кіраўнік Офісу прэзыдэнта Ўкраіны Андрэй Ярмак падчас візыту ў Вялікую Брытанію, паведамляе The Guardian.

Паводле Ярмака, задушэньне пратэстаў у Беларусі, якія пачаліся пасьля нядаўніх прэзыдэнцкіх выбараў, уяўляе патэнцыйную пагрозу для Ўкраіны. Ён адзначыў, што Кіеў дамагаецца дапамогі ад Эўразьвязу і Вялікай Брытаніі для абароны сваёй бясьпекі.

«Пры горшым сцэнары мы сутыкнемся зь вельмі непасрэднай пагрозай нашай незалежнасьці і тэрытарыяльнай цэласнасьці. Мы на пярэднім краі. Нам трэба дзейнічаць дакладна для процідзеяньня такім пагрозам — без дыпляматычных тонкасьцяў», — сказаў Ярмак.

Паводле The Guardian, гэтыя заявы Ярмака прагучалі ў ходзе выступленьня ў лёнданскім аналітычным цэнтры Chatham House.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG