У Горадні затрымалі журналістак
Менск: пратэстоўцы ідуць да праспэкту Пераможцаў
Вялізная калёна ўдзельнікаў Маршу са сьцягамі ідзе па Нямізе з боку Опэрнага тэатру і павяртае на праспэкт Пераможцаў.
Тысячы пратэстоўцаў рушаць яшчэ адной калёнай па вуліцы Старавіленскай і набярэжнай Сьвіслачы ў бок Нямігі.
У Горадні пачаліся затрыманьні
У Горадні пачаліся затрыманьні. На плошчу выйшлі амапаўцы ў шаломах. Людзі стаялі на плошчы бязь лёзунгаў і сьцягоў. Ня менш як траіх затрымалі, у тым ліку дзяўчат. Мужчыну затрымалі жорстка, паклаўшы на зямлю, ён крычаў: «Дапамажыце!».
Міліцыянты пачалі падыходзіць да людзей і папярэджваць, што нельга прымаць удзел у несанкцыянаваным мерапрыемстве. На Савецкай плошчы працягваецца кірмаш. Тут некалькі сотняў чалавек. Людзі набываюць садавіну, гародніну, размаўляюць паміж сабой, шпацыруюць. Не відаць ніякай сымболікі, не чуваць скандаваньня або лёзунгаў, ня грае музыка. Побач па-ранейшаму стаяць аўтазак і міліцэйскія аўтобусы.
Менск: на Нямізе пратэстоўцаў пачалі разганяць вадамётам
На праспэкце Пераможцаў, у раёне Нямігі, пратэстоўцаў пачалі разганяць вадамётам.
Калі вадамёт даехаў да Машэрава, дэманстранты абступілі яго, дасталі зь яго кантэйнэры з каляровай вадкасьцю і вылілі іх на дарогу. Пасьля гэтага вадамёт зламаўся, ён бесьперапынна лье ваду ўгору фантанам і вымушана зьяжджае пад улюлюканьне пратэстоўцаў, паведамляе «Наша Ніва».
Магілёў: сабралася некалькі сотняў чалавек, міліцыянты папярэджваюць пра незаконнасьць акцыі
Міліцыянты пачалі падыходзіць да людзей і папярэджваць, што нельга браць удзел у несанкцыянаваным мерапрыемстве. На Савецкай плошчы працягваецца кірмаш. Тут знаходзяцца некалькі соцень чалавек. Людзі купляюць садавіну, гародніну, размаўляюць паміж сабой, гуляюць. Не відаць ніякай сымболікі, не чуваць скандаваньня або лёзунгаў, ня грае музыка. Недалёка па-ранейшаму стаяць аўтазак і міліцэйскія аўтобусы.
Праваабаронцы паведамляюць пра 4 затрыманых: Алесю Хітрыкаву і сямейную пару Дасковічаў, Кірылу і Натальлю. Свабодзе паведамілі, што з плошчы забралі Вольгу Серакову
Менск: затрыманьні на Нямізе
На Нямізе прыблізна сотню дэманстрантаў сілавікі атачылі на лесьвіцы да плошчы Свабоды, піша Onliner.by. Байцы ў зялёнай форме без апазнавальных знакаў затрымліваюць мужчын, адпускаюць жанчын.
Бабруйск: у горадзе пачалося шэсьце ў рамках нацыянальнага «Маршу за вызваленьне палітзьняволеных»
Газэта «Вечерний Бобруйск» паведамляе, што ў горадзе пачалося
шэсьце ў рамках нацыянальнага «Маршу за вызваленьне палітзьняволеных». Сёньня новы маршрут: ад скульптуры бабра на базары па Сацыялістычнай да Менскай і па Кастрычніцкай і зноў да бабра.
Менск: некалькі тысяч дэманстрантаў занялі праезную частку
Некалькі тысяч чалавек рушаць ад Гарадскога Вала па Кальварыйскай у бок «Кароны». Яны занялі праезную частку, ня даўшы праехаць калёне вайсковай тэхнікі. Тая вымушана павольна ехаць за імі, бо аб’ехаць няма як — насустрач рухаюцца звычайныя аўтамабілі, яны зацята сыгналяць, падтрымліваючы дэманстрантаў, паведамляе «Наша Ніва».
Менск: частка калёны рушыла на Кальварыйскую
Частка калёны пайшла па Раманаўскай Слабадзе ў бок Юбілейнай плошчы і рушыць далей на Кальварыйскую. Станцыя мэтро «Маладзёжная» закрытая, транспарт спыніўся.
Гомель: людзі ходзяць туды-сюды, да іх чапляюцца амапаўцы
У Гомлі людзі ходзяць туды-сюды па Савецкай. Тамсама кружаць «сінія бусы» з АМАПам. Часам яны спыняюцца і чапляюцца да людзей.
«Мне заявілі супрацоўнікі АМАП — чаму я з Савецкага раёну, а гуляю ў цэнтры гораду? Дык чаму мне нельга гуляць?» — паскардзіўся адзін з жыхароў Гомля.
Каля дзьвюх пэнсіянэрак двойчы спыняўся «сіні бус». «Мне яны заявілі, што па нас відаць, што мы ўдзельнічаем у акцыі! Ну як па нас відаць? Мы ж без сымболікі, і нават бяз кветак», — сказала адна з пэнсіянэрак.
Пакуль вядома пра два затрыманьні.
У Менску затрымалі журналістку Дар’ю Сапранецкую
У Бабруйску затрымалі 29 чалавек, у тым ліку 4 журналістаў
Як паведамляе крыніца Свабоды, у Бабруйску затрымалі 25 удзельнікаў мірных пратэстаў і 4 журналістаў. У ліку затрыманых актор Сяргей Васючэнка, які а 18-ай павінен быў граць у спэктаклі, а таксама журналісты Юры Камісараў, Алеся Лацінская, Дзяніс Носаў, Марына Маўчанава.
Журналістку Тацяну Мацьвееву адпусьцілі з РАУС у Віцебску, Алеся Пілецкага — яшчэ не. Абое яны, перадае «Белсат», працавалі для агенцтва БелаПАН, былі ў камізэльках «Прэса».
Фатаздымкі з акцыі
19-гадовага магілёўца, які браў удзел у акцыі пратэсту, з ізалятара забралі ў войска
У Магілёве ўдзельніка пратэставай акцыі пакаралі адміністрацыйным арыштам, а з ізалятара забралі ў войска. Міліцыя сьцьвярджае, што малады чалавек пайшоў на пратэст за грошы. Маці лічыць, што сына запалохалі і ён абгаварыў сябе.
Сама яна сына пасьля затрыманьня ня бачыла. Тым часам міліцыянты зьнялі на відэа і як юнак праходзіў мэдкамісію, і як яго забралі ў войска.
Раней у яго была адтэрміноўка праз праблемы з сэрцам і падазрэньне на остэахандроз, сказала маці. Чытаць далей.
«Вясна» сабрала першыя зьвесткі пра затрыманых на нядзельным маршы пратэсту
Праваабарончы цэнтар «Вясна» зьбірае інфармацыю пра затрыманых удзельнікаў і ўдзельніц мірных акцый пратэсту. Пацьверджаныя больш за 30 выпадкаў, шмат хто з затрыманых — журналісты.
Аднак паўсюль фіксуюцца кропкавыя факты затрыманьня ўдзельнікаў акцый, таму лічбы будуць расьці, перакананыя праваабаронцы.
Паведамляецца, што пратэстоўцы вывелі са строю вадамёт: пакуль спэцтэхніка спрабавала разагнаць удзельнікаў, іншыя часткова яго разукамплектавалі і вылілі фарбавальнік. Пасьля гэтага вадамёт паехаў з фантанам вады над сабой.
Праваабаронцы паведамляюць пра затрыманьне журналіста БелаПАН Алеся Асіпцова ў Магілёве
Падрабязнасьцяў няма, сувязі зь ім таксама.
«Марш вызваленьня палітвязьняў» у Менску. ФОТАГАЛЕРЭЯ
Больш за 100 тысяч чалавек бяруць удзел у маршы пратэсту ў Менску
Паводле ацэнак журналістаў Інтэрфаксу і назіральнікаў, у Менску на традыцыйную нядзельную акцыю пратэсту агулам сабраліся больш за 100 тысяч чалавек.
Як перадае Інтэрфакс, пратэстоўцы пакінулі раён стэлы «Менск — горад-герой» і накіраваліся ў бок вуліцы Кальварыйскай. Калёна займае ўсю праезную частку. Частка дэманстрантаў дабралася да мэтро «Пушкінская», дзе знаходзіцца народны мэмарыял Аляксандра Тарайкоўскага, першай ахвяры пратэстаў.