Лінкі ўнівэрсальнага доступу

Расея падвысіла патэнцыйны аб’ём экспарту нафтапрадуктаў зь Беларусі да 4–6 млн тон


Расея падвысіла аб’ём экспарту нафтапрадуктаў зь Беларусі, які цяпер абмяркоўваецца, да 4–6 млн тон, паведаміў міністар энэргетыкі РФ Аляксандар Новак у эфіры тэлеканалу «Россия-24».

«Расейская Фэдэрацыя абмяркоўвае экспарт 4–6 млн тон беларускіх нафтапрадуктаў праз парты РФ», — сказаў ён.

Раней Новак заяўляў аб патэнцыйным аб’ёме экспарту ў 3–4 млн тон.

Беларусь у студзені-ліпені 2020 году экспартавала 3,78 млн тон нафтапрадуктаў, што на 38,5% менш, чым за аналягічны пэрыяд мінулага году, паведамляецца ў матэрыялах Нацыянальнага статыстычнага камітэту (Белстату).

Пры гэтым у ліпені экспарт нафтапрадуктаў склаў амаль 780 тысяч тон, што сьведчыць аб паступовым аднаўленьні аб’ёмаў вонкавых паставак, якія ў 2018–2019 гадах былі блізкія да 1 млн т нафтапрадуктаў у месяц.

У цэнавым вымярэньні экспарт нафтапрадуктаў упаў на 61,8% — да 1,2 млрд даляраў.

Што важна ведаць пра расейскі падатковы манэўр

Нафтавы падатковы манэўр у Расеі — паступовая замена спагнаньня экспартнага мыта падаткам на здабычу карысных выкапняў (ПЗКВ). Экспартнае мыта будзе зьмяншацца адначасова з павелічэньнем ПЗКВ.

  • Расея пачала рэалізацыю падатковага манэўра зь 2019 году.
  • Да канца 2018 году экспарт сырой нафты ў Расеі абкладаўся экспартным мытам у памеры 30% ад цаны. Мыта не спаганялася з паставак на ўнутрырасейскі рынак і ў межах квоты ў Беларусь.
  • У 2017-2018 гадах квота на пастаўкі бязмытнай расейскай нафты для Беларусі складала 24 млн тон (18 млн тон перапрацоўвалі беларускаія НПЗ, 6 млн тон ішлі на рээкспарт).
  • Беларусь мела права абкладаць экспартным мытам свае нафтапрадукты, вырабленыя з расейскай бязмытнай нафты, якія прадавала ў трэція краіны. Беларускае мыта ішло ў беларускі бюджэт.

Страты і кампэнсацыя

  • У сьнежні 2018 г. у адміністрацыі Лукашэнкі сьцьвярджалі, што за 3 апошнія гады Беларусь недаатрымала $3,6 млрд, а за наступныя 4 гады недаатрымае $11 млрд пры найгоршым разьвіцьці падзей.
  • Паводле падлікаў рэйтынгавага агенцтва Fitch, наўпроставыя страты беларускай эканомікі складуць $10,6 млрд цягам 2019–2024 гг.
  • Дырэктар дасьледніцкага цэнтру ІПМ Аляксандар Чубрык падлічыў, што страты для бюджэту Беларусі ў 2019 годзе склалі $272,3 млн. ​
  • У кастрычніку 2018 Расея абяцала пералічыць у бюджэт Беларусі каля $405 млн у якасьці аплаты экспартнага мыта за нафту. Пазьней у кампэнсацыі адмовілі.
  • 18 сьнежня 2019 расейскі партал РБК паведаміў са спасылкай на свае крыніцы, што Расея кампэнсуе Беларусі страты ад манэўра праз зваротны акцыз для беларускіх НПЗ. Суму субсыдыяў ацанілі ў $1,5 млрд. Афіцыйнага пацьвярджэньня гэтай інфармацыі не было.

Кароткая гісторыя нафтагазавых канфліктаў Беларусі і Расеі

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG