Лінкі ўнівэрсальнага доступу

Плыўчыха Аляксандра Герасіменя выставіла на аўкцыён сваю форму, каб дапамагчы пацярпелым спартоўцам 


Аляксандра Герасіменя ў Рыё-дэ-Жанэйра

Вядомыя спартоўцы разьвітваюцца з узнагародамі і асабістымі рэчамі, каб дапамагчы пацярпелым калегам.

Плыўчыха Аляксандра Герасіменя выставіла на аўкцыён форму, якую надзявала на цырымонію ўзнагароджаньня на Алімпіядзе ў Рыё-дэ-Жанэйра ў 2016 годзе — там яна ўзяла бронзавы мэдаль у заплыве на 50 мэтраў вольным стылем.

Стартавая цана была крыху большай за 100 даляраў, цяпер лот ужо перавышае 1000. Грошы Аляксандра перадасьць у дапамогу пацярпелым спартоўцам, напісала яна ў «Інстаграме».

Раней на аўкцыён свае мэдалі выставіў славуты лыжнік Сяргей Далідовіч, а самая вядомая беларуская баскетбалістка Алена Леўчанка — красоўкі.

Многія атлеты, якія падпісалі калектыўна зварот з палітычнымі патрабаваньнямі да ўладаў, цярпяць ад ціску з боку чыноўнікаў. Некаторых ужо звольнілі зь дзяржаўных структураў, да якіх яны прыпісаныя, а таксама вывелі са складу нацыянальных зборных.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG