Горадня цяпер
Праспэкт Незалежнасьці ў раёне плошчы Якуба Коласа
На Пераможцаў каля Палацу спорту спыніліся мікрааўтобусы і аўтазакі. Людзі перабягаюць на супрацьлеглы бок
Сілавікі разьбілі калёну ў раёне плошчы Якуба Коласа
Пачынаюцца жорсткія затрыманьні каля дома па Незалежнасьці, 44. Загналі людзей у кут паміж дамамі, атачылі з усіх бакоў. Кардон сілавікоў стаіць каля гімназіі № 23 на праспэкце Незалежнасьці.
Горадня. Некалькі соцень пратэстоўцаў з Савецкай вуліцы вуліцы пайшлі на плошчу Леніна
Магілёў. На плошчы перад гандлёвым цэнтрам «Атрыюм», зь якой традыцыйна пачынаюцца маршы прыхільнікаў пераменаў, пачаліся затрыманьні
Менск. Калёна ідзе па Замкавай вуліцы з праспэкту Пераможцаў
Менск. Група з паўсотні чалавек, якія стаялі ў счэпцы, пабегла ў гандлёвы цэнтар «Галерэя», за імі пагналіся сілавікі. Двух хлапцоў вывелі. Іншыя пратэстоўцы схаваліся ў двары.
Пасьля разгону на Нямізе засталіся некалькі сотняў чалавек. Але ад цэнтру працягваюць падыходзіць людзі
Горадня. Пратэстоўцаў больш за 2 тысячы чалавек
Праваабаронцы «Вясны» склалі і абнаўляюць сьпіс затрыманых на «Маршы герояў»
13 верасьня перад пачаткам Марша герояў зафіксаваны жорсткія затрыманьні людзей, якія шлі на мірны сход.
Як паведамляе Праваабарончы цэнтар «Вясна», у Менску найбольш масавыя затрыманьні адбыліся на праспэкце Дзяржынскага каля гатэля «Рэнэсанс» і на вуліцы Маякоўскага.
Традыцыйна гэтым займаюцца неідэнтыфікаваныя міліцыянты ў цывільным і людзі ў спэцвопратцы. Людзей закідваюць у мікрааўтобусы без рэгістрацыйных нумароў.
«Вясна» вядзе сьпіс затрыманых, які пастаянна абнаўляецца і дапаўняецца. станам На 14.45 у сьпісе 20 чалавек.
У Менску закрылі станцыі мэтро «Кастрычніцкая/Купалаўская» і «Фрунзэнская», піша Kyky.org. Афіцыйна пра закрыцьцё станцыяў не паведамлялі
Некалькі тысяч пратэстоўцаў перагароджваюць праспэкт Пераможцаў у раёне спартовага манэжу
Нягледзячы на затрыманьні, людзі ўсё адно змаглі сабрацца на праспэкце Пераможцаў
Каля гатэлю «Юбілейная» ўжо сабралася каля 10 тысяч чалавек, увесь праспэкт Пераможцаў заняты людзьмі.
Мабільны інтэрнэт у цэнтры гораду адключаны.
Мэтрапалітэн паведаміў пра закрыцьцё станцыяў «Плошча Леніна», «Кастрычніцкая/Купалаўская», «Плошча Перамогі», «Плошча Якуба Коласа», «Няміга», «Фрунзэнская» – практычна ўвесь цэнтар гораду
Дзяўчына, якую на жаночым маршы прынялі за «ціхара» і сарвалі маску, расказала пра сябе
Падчас жаночага маршу 12 верасьня мітынгоўцы сарвалі маску з чалавека ў капюшоне і бэйсболцы, які ішоў побач з шэсьцем. Відэа інцыдэнту абляцела самыя папулярныя тэлеграм-каналы. «Ціхаром», як яго назвалі ў натоўпе, аказалася дзяўчына. Яна расказала Свабодзе, што ня мае дачыненьня да сілавых структур і апынулася на мітынгу выпадкова.
1000 чалавек на маршы ў Магілёве
У Магілёве «Марш герояў» сабраў блізу 1000 чалавек. Пасьля супрацьстаяньня зь міліцыяй на плошчы перад гандлёвым цэнтрам «Атрыюм» людзі рушылі калёнай па вуліцы Першамайскай, выгукваючы традыцыйныя лёзунгі прыхільнікаў пераменаў. Да шэсьця дарогай далучаюцца новыя ўдзельнікі. Міліцыянты папярэджваюць шэсьце аб адказнасьці і пагражаюць ужыць гвалт і спэцсродкі.
У Менску зноў праблемы з мабільным інтэрнэтам
A1 афіцыйна паведаміў, што хуткасьць мабільнага інтэрнэту зьніжаная. Менчукі паведамляюць пра праблемы з сувязьзю таксама ў МТС і life:)
Каля 5 тысяч ідуць у маршы ў Горадні
Што адбываецца ў Менску каля стэлы
Шматтысячная калёна людзей павярнула ад стэлы і рухаецца ў бок вуліцы Ціміразева. Карэспандэнт Свабоды ацэньвае колькасьць удзельнікаў у дзясяткі тысяч чалавек.
У калёне, якая ідзе праспэктам Пераможцаў, вылучаецца асобная арганізаваная група спартоўцаў, паведамляе карэспандэнт Свабоды. Іх каля 50 чалавек, яны нясуць транспаранты «Спартоўцы з горадам».
Людзі пераважна нясуць бела-чырвона-белыя сьцягі, транспарантаў і плякатаў мала. Адзін зь іх: «3% ня роўна 80%».
Марш у Гомлі ў фота
А вось як праходзяць маршы ў Берасьці і Віцебску