Дзе чытаць Свабоду, абыходзячы блякаваньне
- Мэсэнджар Telegram
- Мабільныя праграмы з Google Play і App Store.
- VPN і Proxy-сэрвісы, напрыклад, Psiphon.
- Браўзэр Opera з убудаваным VPN
- Люстэркавыя сайты https://d1no88f5ipkpvq.cloudfront.net/ або https://svabod1.azureedge.net/
- Instagram;
- YouTube;
- Facebook;
- «УКантакце»;
- «Аднакласнікі»;
- Twitter;
- TikTok.
Выкладчыкі філялягічнага факультэту БДУ выступілі за свабоду выказваньня
«Страх — кепска, гвалт — кепска, хлусьня — кепска. Нельга рабіць выгляд, быццам бы нічога не адбываецца. Мы маем права мець свае перакананьні і выказваць іх, мы маем права падтрымліваць адзін аднаго. Студэнты, мы з вамі. Філфак БДУ — гэта мы. Свабода, праўда, салідарнасьць», — гаворыцца ў звароце.
5 верасьня падчас студэнцкага маршу пратэсту непадалёк ад філфаку БДУ на вуліцы Маркса затрымалі больш як 15 студэнтаў. Усяго 5 верасьня затрымалі 34 студэнтаў.
Раніца. Менск уздымае сьцягі
Зноў «перахопленая размова» — змоўцы разгойдваюць Расею, бо «побач Беларусь»
У горадзе Невелі Пскоўскай вобласьці ў ноч на 12 верасьня невядомыя распаўсюдзілі ўлёткі зь нібыта «перахопленымі» перамовамі лідэра рэгіянальнага аддзяленьня партыі «Яблоко» Льва Шлосбэрга і грамадзкага дзеяча Міхаіла Хадаркоўскага.
З расшыфроўкі размовы вынікае, што Шлосбэрг нібыта абяцае «разгайдаць раён, бо побач Беларусь» і «паставіць на чале эўрапейскія каштоўнасьці». Хадаркоўскі ў адказ нібыта гарантуе добрае фінансаваньне.
У Пскоўскай вобласьці 13 верасьня адбываецца адзіны дзень галасаваньня на мясцовых выбарах. Так званае «датэрміновае галасаваньне» пачалося 11 верасьня.
Сайт «Север. Реалии», які паведаміў аб улётках у Невелі, адзначае, што справа нагадвае «перахоп» размовы Бэрліну і Варшавы пра нібыта фальсыфікацыю вынікаў атручэньня расейскага апазыцыянэра Аляксея Навальнага. «Перахоп» апублікаваў 4 верасьня дзяржаўны тэлеканал Беларусі АНТ. Прадстаўнік ураду Нямеччыны заявіў, што словы пра фальсыфікацыю не адпавядаюць рэчаіснасьці.
У Эўропе беларускія пратэсты засланіла гісторыя з Навальным
Піша Сяргей Навумчык
Крамлю пагражаюць эканамічнымі санкцыямі, а Лукашэнку — не.
Усе лідэры вядучых краінаў, і па некалькі разоў, выказаліся аб меркаваным атручэньні расейскага апазыцыянэра Навальнага. Прычым найбольш рэзкія ацэнкі ў бок Крамля гучалі гэтым разам з вуснаў не амэрыканскіх, а эўрапейскіх палітыкаў. І ў ЭЗ, і ў «брэксытнай» Вялікай Брытаніі абмяркоўваюць даволі сур’ёзныя эканамічныя санкцыі супраць Крамля.
На фоне гэтага падзеі ў Беларусі адышлі на другі плян. Ужо зразумела, што рэакцыяй Эўразьвязу будзе, у самым горшым для афіцыйнага Менску выпадку, стварэньне пэрсанальнага санкцыйнага сьпісу. У які некаторыя ўрады прапануюць не ўключаць самога Лукашэнку — каб пакінуць «акно магчымасьцяў».
Цяперашняя сытуацыя з Навальным нагадвае падзеі 2001 году. Прэзыдэнцкія выбары, якія адбыліся ў Беларусі 9 верасьня са шматлікімі парушэньнямі, ужо на наступны дзень былі ў цэнтры ўвагі сусьветнай супольнасьці. Аднак яшчэ празь дзень пра іх ужо ня згадвалі — сьвет жахнуўся ад тэрактаў супраць Амэрыкі 9/11, піша Сяргей Навумчык.
У Салігорску затрымалі прадстаўніка страйкаму «Беларуськалію» Рамана Лявончыка
Тэлеграм страйкаму ААТ «Беларуськалій» паведаміў пра затрыманьне свайго прадстаўніка Рамана Лявончыка.
Паводле страйкаму, ён знаходзіцца ў Салігорскім РАУС.
У РАУС адмовіліся Свабодзе пацьвердзіць затрыманьне Лявончыка, спаслаўшыся на тое, што даюць такую інфарамцыю толькі сваякам затрыманых.
«Прыйдзе іх дзень». Гурт Relikt пераасэнсаваў зноў актуальную песьню «Бонды»
Папулярны гурт Relikt перасьпяваў на сучасны лад песьню «Прыйдзе іх дзень», якую ў 1980-х выконваў калектыў «Бонда».
«Сёлетнія падзеі зьмянілі беларусаў і Беларусь. Таму мы пераасэнсавалі песьню легендарнага рок-гурту „Бонда“ пад назвай „Прыйдзе іх дзень“. Здаецца, гэты дзень сапраўды прыйшоў. У адзінстве нашым — сіла. Будзем разам!», — адзначылі музыкі Relikt у анатацыі да відэакліпу.
У роліку сумяшчаюцца кадры пратэстаў у краіне за апошнія два дзясяткі гадоў. У галоўнай ролі — беларускі народ, падкрэсьліваюць удзельнікі гурту Relikt.
МУС: учора затрымалі 114 чалавек, за кратамі пакінулі 87
Як сьцьвярджае Міністэрства ўнутраных справаў, учора ў праўладных акцыях нібыта ўзялі ўдзел звыш 50 тысяч чалавек, а ў 12 акцыях пратэсту ў розных гарадах усяго 1700. Колькасьць людзей на акцыі на плошчы Свабоды ацанілі ў 100 чалавек.
Са 114 затрыманых 99 былі ў Менску. Да разгляду адміністрацыйных справаў у судах за кратамі засталіся 87. Справы за «дробнае хуліганства» і «несанкцыянаванае мерапрыемства» завялі супраць жыхаркі Горадні, якая сарвала маску з аднаго зь «людзей у цывільным» (як аказалася, праваахоўніка).
«Дзяржаўныя тэлеканалы працуюць для аднаго важнага гледача». Хто глядзіць беларускую ТВ
Для каго ўключаны беларускі тэлевізар, хто яго глядзіць, ці вераць навінам на дзяржаўных каналах і навошта так стараюцца расейскія прапагандысты, дасланыя на дапамогу Аляксандру Лукашэнку ў Менск? Пра гэта Андрэю Чаркасаву з тэлеканалу «Настоящее время» расказаў беларускі мэдыяэкспэрт Паўлюк Быкоўскі.
Расея пасылае ў Беларусь пскоўскіх дэсантнікаў. Абяцае пасьля вучэньняў вярнуць назад
Падразьдзяленьні Пскоўскай гвардзейскай дывізіі ВДВ возьмуць удзел у вучэньнях «Славянскае братэрства – 2020» на палігоне «Берасьцейскі» ў Беларусі.
Ва ўнівэрсытэце Бэнінгтана ў ЗША правялі акцыю салідарнасьці з засуджанай у Беларусі іх студэнткай
Студэнты і выкладчыкі ўнівэрсытэту Бэнінгтана ў штаце Вэрмонт правялі акцыю салідарнасьці з Мартай Шчарбаковай.
Беларуская навучэнка гэтай установы за апошнія дні была двойчы затрыманая на пратэстных акцыях у Менску і асуджаная на 8 сутак адміністрацыйнага арышту за ўдзел у «несанкцыянаваным мерапрыемстве». З турмы на Акрэсьціна яе перавезьлі ў Жодзіна.
Жывы эфір «Настоящего времени», прысьвечаны маршу пратэсту ў Менску 13 верасьня
Першыя затрыманьні ў Менску перад «Маршам герояў»
Як паведамляюць сьведкі, першыя затрыманьні ўдзельнікаў нядзельнага пратэсту зафіксаваныя ў Менску.
На вуліцы Маякоўскага ў сталіцы невядомыя ў балаклавах са зброяй і дубінкамі затрымалі некалькі чалавек, якія рухаліся зь бел-чырвона-белымі сьцягамі.
Усіх закідвалі ў мікрааўтобусы без рэгістрацыйных нумароў.
У руках тых, хто затрымлівае, — зброя. Відэа чытача @nashaniva
Як і падчас папярэдніх шэсьцяў, каля стэлы побач з музэем вайны вайскоўцы ставяць мэталічную агароджу. Раней міністар абароны Віктар Хрэнін заяўляў, што гэта сьвятое месца, якое армія будзе абараняць да канца.
Плятформа «Голас» абяцае падлічыць колькасьць удзельнікаў «Маршу герояў». Дадаліся новыя функцыі
Плятформа «Голас» апублікавала плян падлікаў на нядзельным «Маршы герояў».
«Сёньня ў Беларусі пройдуць «Маршы герояў». Гэты мірны пратэст абяцае стаць рэкордным. Каб паказаць, колькі нас, плятформа „Голас“ вядзе падлік пратэстоўцаў», — адзначае каманда плятформы. Каб дадаць сябе ў статыстыку, трэба адправіць боту @golosby_bot каманду #ягуляю. Паводле распрацоўнікаў, зьявіліся новыя функцыі. Напрыклад, у чат-боце падзялілі тых, хто гуляе на маршы, і тых, хто выбірае іншую форму пратэсту.
Калёну дэманстрантаў, якая ішла з Грушаўкі, спынілі і «расьсейваюць» каля адміністрацыі Маскоўскага раёну
Калёна пратэстаўцаў ідзе па праспэкце Незалежнасьці з плошчы Якуба Коласа да плошчы Перамогі.
Некалькі сотняў дэманстрантаў з воклічамі «Жыве Беларусь» ідуць па ходніках ад Нямігі ў бок Палацу спорту.
Гомель. Пачаўся «Марш герояў» на Савецкай вуліцы ў цэнтры
Вялікая калёна пратэстоўцаў цяпер на праспэкце Пераможцаў на падыходзе да Палаца Спорту