Калёна пратэстоўцаў рушыла па мосьце ў бок Кальварыйскай у Менску
Значная частка вайскоўцаў зьнялася з ачапленьня ад стэлы і рушыла ў бок «Менск-Арэны». Да стэлы набліжаецца калёна пратэстоўцаў з боку Камсамольскага возера.
Каля «Дрымлэнду» вайскоўцы расьцягваюць калючы дрот уздоўж вуліцы Арлоўскай, паведамляюць чытачы.
Затрыманьні ў Горадні
Пратэстоўцы дайшлі да Грандзіцкага рынку на вуліцы Горкага, перайшлі праз дарогу і пайшлі ў адваротным кірунку. Ім дарогу перакрылі аўтазакі. Людзі перабеглі праз дарогу, каб ня трапіць да амапаўцаў. Да іх едуць аўтазакі.
Пачаліся затрыманьні ў хвасьце калёны. Амапаўцы выхопліваюць людзей па адным. Жорстка затрымліваюць мужчын і жанчын.
Больш за 10 чалавек схапілі, затрыманьні працягваюцца. Людзей выхопліваюць з двароў, куды тыя забеглі; калёна адышла ад аўтазакаў.
Як выглядае менскі марш з вышыні. Відэа
Спартовая калёна на менскім маршы
Каля 200 спартоўцаў ідуць на чале калёны, якая збочыла з праспэкту Пераможцаў на вуліцу Цімаразева.
Гомель: калёна расьцягнулася ад плошчы Леніна да Камінтэрну
Прынамсі 250 затрыманых у Менску
Паводле МУС, у розных раёнах Менску затрымалі прыкладна 250 чалавек.
Праваабаронцам «Вясны» тым часам вядомыя імёны ўжо 66 затрыманых у Менску.
Тым часам галава калёны ўжо падышла да скрыжаваньня Кальварыйскай і Альшэўскага. У бок цэнтру Менску па Кальварыйскай захоўваецца аўтамабільны рух.
Менск. Галава калёны дасягнула скрыжаваньня Прытыцкага і Пушкіна
Людзі спыніліся каля народнага мэмарыялу памяці Аляксандра Тарайкоўскага.
Што адбываецца пасьля затрыманьняў у Горадні
Пасьля затрыманьняў (каля 10 чалавек) аўтазакі зьяжджалі, некалькі сотняў чалавек засталіся стаяць па абодва бакі вуліцы Горкага. Неўзабаве аўтазакі вярнуліся на вуліцу Горкага. Людзі пайшлі ў двары. Аўтазакі паехалі за імі.
Марш на вуліцы Прытыцкага. Фота
Менск. Калёна дайшла да Альшэўскага
Калёна рухаецца па праспэкце Пушкіна, дайшла да скрыжаваньня з вуліцай Альшэўскага.
На маршы зьявіліся плякаты супраць Пуціна🇷🇺, які заўтра ў Сочы будзе прымаць Лукашэнку: «Пуцін, не хапай, — падавісься», «Такая краіна не прадаецца, яна патрэбна нам самім».
Тым часам перагарадзілі мост церазь Сьвіслач на праезьдзе Дразды.
Людзі ідуць па тым беразе, на якім лесапарк Дразды. Шматтысячны натоўп павярнуў з вуліцы Арлоўскай на Нававіленскую.
Першы затрыманы журналіст сёньня
«Вясна» паведамляе, што затрыманы журналіст тэлеканалу «Белсат» Арцём Лява дастаўлены ў Кастрычніцкае РУУС. Агулам праваабаронцам вядомыя імёны 82 затрыманых сёньня ў Беларусі. МУС раней паведамляла пра 250 затрыманых.
Затрыманьні каля Драздоў у Менску. Стралялі ў паветра
У Драздах да пратэстоўцаў падышло шмат сілавікоў, пачаліся затрыманьні, пратэстоўцы ўцякаюць.
У Менску адна з калёнаў пратэстоўцаў дайшла да кардону сілавікоў каля Нававіленскай. Людзі крычалі, спрабавалі спрачацца зь сілавікамі. Калі зьявіліся машыны са шчытамі, байцы зрабілі папераджальны стрэл у паветра, піша Onliner.by.
Сілавікі перамяшчаюцца па праспэкце Пераможцаў у кірунку Палаца Незалежнасьці.
Менск. Галава калёны дайшла па Арлоўскай да праспэкту Пераможцаў
А гэта хвост калёны на праспэкце Пушкіна
А вось гэта калёна, што ішла ў бок Драздоў
На вуліцы Нававіленскай сілавікі моцна зьбілі і затрымалі мужчыну. Людзі вяртаюцца ў бок вуліцы Арлоўскай і скандуюць «Трыбунал».
Жодзіна. Міліцыянт ударыў жанчыну. Відэа
На відэа бачна, як міліцыянт б’е жанчыну, якая падышла да яго. Усьлед за гэтым да пацярпелай кінуліся людзі з натоўпу.
Менск. Галава калёны каля футбольнага манежу
Калёна, якая рушыць па праспэкце Пушкіна, павяртае налева ў бок Драздоў.
Берасьце. Шматтысячная калёна скандуе «Не забудем, не простим!»
Сотні людзей гуляюць па Лідзе
«Марш герояў» у Менску ў фотарэпартажы Свабоды
«Марш герояў» у Менску. Шмат фота
Менск. Калёна не пайшла ў бок Драздоў
Галава калёны не павярнула на Дразды каля Arena City і царквы — людзі ідуць далей па праспэкце Пераможцаў.
Перад комплексам «Менск-Арэна» стаіць сыстэма «Рубеж», вельмі шмат сілавікоў, яны стаяць падвойным шэрагам. За імі аўтазакі, спэцтэхніка. Перагароджаны праспэкт Пераможцаў, ходнікі і газон.
А на скрыжаваньні вуліцы Арлоўскай і праспэкту Пераможцаў мясцовыя жыхары заўважылі такую калёну сілавікоў.
МУС: у паветра не стралялі
Прэсавая сакратарка МУС Вольга Чамаданава заявіла Свабодзе, што ў сытуацыйна-апэратыўным штабе МУС інфармацыі пра стрэл у паветра падчас супрацьстаяньня АМАП з дэманстрантамі на вуліцы Нававіленскай няма, яна ня можа гэта пацьвердзіць.
А вось як адбывалася супрацьстаяньне пратэстоўцаў і сілавікоў на Нававіленскай. Кардон не пусьціў людзей у бок элітнага раёну Дразды.
Там адбыліся затрыманьні.