Страйкавы камітэт «Беларуськалію» паведаміў, што працягне забастоўку на прадпрыемстве, грунтуючыся на Міжнародным пакце ААН «Аб эканамічных, сацыяльных і культурных правах» і на пункце працоўнага заканадаўства аб прыярытэце нормаў міжнароднага права.
У сваім паведамленьні страйкам папрасіў прабачэньня перад працоўнымі за некарэктнае афармленьне забастоўкі напачатку.
11 верасьня Менскі абласны суд прызнаў страйк на «Беларуськаліі» незаконным. Цяпер страйкоўцы адмаўляюцца ад працы выключна паводле палітычных матываў.
