Дзясяткі тысяч беларусаў гуляюць у цэнтры Менску, танцуюць каля калючага дроту і выступаюць за мірныя перамены. Глядзіце, што сёньня адбывалася на «Маршы за новую Беларусь».
23 жніўня «Маршы за новую Беларусь» прайшлі ў Менску, Гомлі, Горадні, Магілёве, Берасьці іншых гарадах Беларусі. У Менску ў маршы ўзялі ўдзел дзясяткі тысяч чалавек.
Людзі сабраліся ля Дому ўраду ў Менску, а адтуль па праспэкце Незалежнасьці рушылі да праспэкту Пераможцаў. Стэлу на праспэкце Пераможцаў абгарадзілі калючым дротам, яе ўзялі пад ахову вайскоўцы. У межах «Маршу новай Беларусі» маніфэстанты рушылі ў бок Палаца Незалежнасьці, але іх рух спынілі сілавікі.
Марш новай Беларусі. Больш за 100 тысяч чалавек у цэнтры Менску. ШМАТ ФОТА
У Менску сёньня адбываецца Марш новай Беларусі. У пачатку дня падаў додж і здавалася, што акцыя будзе менш шматлікай. Але дождж скончыўся і вуліцы гораду запоўнілі дзясяткі тысяч людзей зь бел-чырвона-белымі сьцягамі. Самі ўдзельнікі мяркуюць, што яна больш шматлікая, чым тыдзень таму, 16 жніўня.
