Лінкі ўнівэрсальнага доступу

У Верхнядзьвінску ціха судзяць хлопца, які напаў з нажом на мясцовых міліцыянтаў


18-гадовы Глеб Ц. са Смаргоні, які ўзяў на сябе адказнасьць за напад на міліцыянтаў у Верхнядзьвінску

Суд Верхнядзьвінскага раёна разглядае крымінальную справу ў дачыненьні да 18-гадовага Глеба Ц., які раніцай 1 студзеня гэтага года кінуў бутэльку з запальнай сумесьсю на тэрыторыю мясцовага аддзела Дэпартамэнта аховы, а пры затрыманьні напаў з нажом на двух міліцыянтаў, паведамляе Tut.by.

«Крымінальная справа перададзена пракурору для накіраваньня ў суд у чэрвені», — паведаміла Tut.by афіцыйны прадстаўнік УСК па Віцебскай вобласьці Аксана Лазько.

У абласным судзе парталу распавялі, што ў судзе Верхнядзьвінскага раёна ўжо ідзе працэс па гэтай справе. Але ніякіх падрабязнасьцяў не паведамілі.

Раніцай 1 студзеня ў Верхнядзьвінску затрымалі 18-гадовага хлопца, які напаў на міліцыянтаў з нажом. У лякарні ім аказалі дапамогу, здароўю і жыцьцю супрацоўнікаў нічога не пагражала. Праз тры тыдні пасьля здарэньня адзін з міліцыянтаў патануў на рыбалцы.

Верхнядзьвінскі райаддзел СК распачаў крымінальную справу па ч. 1 арт. 14, ст. 362 (замах на забойства супрацоўнікаў органаў унутраных спраў).

Па дадзеных сьледзтва, малады чалавек 1 студзеня груба парушаў грамадзкі парадак каля Верхнядзьвінскага аддзяленьня Дэпартамэнта аховы МУС. Дзяжурны супрацоўнік паведаміў аб гэтым бліжэйшага нароўні. Пры затрыманьні хлопец аказаў супраціў і прычыніў нажавыя раненьні двум міліцыянтам.

Хлопец пасьпеў кінуць на тэрыторыю міліцыі дзьве шкляныя ёмістасьці з вадкасьцю, у якой быў пах гаруча-змазачных матэрыялаў.

Маладому чалавеку прызначалі псыхоляга-псыхіятрычную экспэртызу.

Напярэдадні інцыдэнту малады чалавек, які прадставіўся Глебам Ц., апублікаваў на YouTube і ў тэкставым варыянце свой маніфэст, у якім тлумачыў свае матывы з дапамогай радыкальных поглядаў і заклікаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG