Лінкі ўнівэрсальнага доступу

Клюб The Washington Redskins абвясьціў пра зьмену назвы і лягатыпу, каб не абражаць індзейцаў


Гульцы Washington Redskins перад матчам, архіўнае фота
Гульцы Washington Redskins перад матчам, архіўнае фота

Клюб The Washington Redskins, які выступае ў амэрыканскай Нацыянальнай футбольнай лізе (NFL), абвясьціў аб зьмене назвы і лягатыпу, расказвае «Настоящее время».

Напярэдадні амэрыканскія мэдыя пісалі, што ўладальнік каманды Дэн Снайдэр мерыцца адправіць гэтую назву «на спачын» і разам з трэнэрам актыўна ўдзельнічае ў выбары новага лягатыпу ды імя клюбу. Снайдэр раней заяўляў, што ніколі не памяняе назву каманды, але цяпер на яго паўплываў штораз большы ціск спонсараў і праваабарончых арганізацыяў. Многія лічаць, што гэтая назва абражае індзейцаў.

Кіраўніцтва клюбу вырашыла перагледзець назву пасьля таго, як пра гэта папрасілі вядомыя спонсары каманды — FedEx, Nike, PepsiCo і Bank of America. Стадыён у Лэндовэры, штат Мэрылэнд, носіць імя кампаніі FedEx, а яе кіраўнік Фэдэрык Сьміт — мінарытарны ўладальнік клюбу. Nike і іншыя кампаніі забралі адзеньне зь лягатыпамі каманды з сваіх інтэрнэт-крамаў.

Больш за дзясятак лідэраў і арганізацыяў карэнных амэрыканцаў у лісьце да кіраўніка NFL Роджэра Гудэла запатрабавалі спыніць ужываньне слова Redskins («чырванаскурыя») вашынгтонскай камандай.

Хваля антырасізму ў ЗША пачалася пасьля сьмерці афраамэрыканца Джорджа Флойда падчас затрыманьня яго супрацоўнікамі паліцыі. Гібель мужчыны стала прычынаю масавых пратэстаў у ЗША з патрабаваньнямі правасудзьдзя і рэформы паліцыі, а таксама супраць расізму і за сацыяльную справядлівасьць. Між іншым, на гэтым фоне відэаплятформа HBO Max паведаміла, што з прычыны расавага пытаньня прыбірае з доступу фільм «Зьнесеныя ветрам».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG