Лінкі ўнівэрсальнага доступу

У ЗША хваля гвалту: у розных гарадах застрэлілі больш за 20 чалавек


U.S. -- Demonstrators react in the presence of a New York Police Department (NYPD) police officer at a joint LGBTQ and Black Lives Matter march on the 51st anniversary of the Stonewall riots in New York City, New York, U.S. June 28, 2020. REUTERS/Eduardo

У Злучаных Штатах Амэрыкі зафіксавалі хвалю гвалту. Падчас выходных з нагоды Дня Незалежнасьці ЗША ў розных гарадах застрэлілі больш за 20 чалавек.

Цягам 4 і 5 ліпеня ў Чыкага атрымалі раненьні сама меней 77 чалавекі, 14 зь іх загінулі, піша Chicago Sun Times. У Нью-Ёрку ў перастрэлках у нядзелю паранілі ня менш за 41 чалавека, восем чалавек забілі, піша ABC7.

Успышка гвалту ў Нью-Ёрку і Чыкага прыцягнула ўвагу прэзыдэнта ЗША Дональда Трампа. Ён заклікаў Дэмакратычную партыю ўстанавіць «закон і парадак» у гарадах, дзе яна знаходзіцца ва ўладзе.

Вядома таксама, што 20 чалавек паранілі і траіх забілі ў Атланце. Сама меней 20 параненых і трое забітых у Кліўлэндзе. Падчас страляніны ў начным клюбе ў Паўднёвай Караліне загінулі два чалавекі, яшчэ восем — параненыя.

Акрамя таго, 12 чалавек паранілі падчас сямі не зьвязаных паміж сабой інцыдэнтаў у Мілўокі, яшчэ восем чалавек пацярпелі падчас шасьці інцыдэнтаў у Омазе.

Пакуль няма пацьверджаньня, што гвалт на выходных непасрэдна зьвязаны з пратэстамі, якія ўзьніклі з прычыны гібелі афраамэрыканца Джорджа Флойда пры затрыманьні паліцыяй у траўні.

У той жа час гэта адбываецца на фоне рашэньня скараціць бюджэт шэрагу паліцэйскіх дэпартамэнтаў на патрабаваньне пратэстоўцаў і мясцовых заканадаўцаў, у прыватнасьці ў Нью-Ёрку.

Паліцэйскія падраздзяленьні і шэраг палітыкаў заклікалі не зьмяншаць фінансаваньне.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG