Каля 78% расейцаў падтрымалі папраўкі ў Канстытуцыю, якія сярод іншага дазволяць прэзыдэнту Расеі Ўладзіміру Пуціну заставацца на пасадзе да 2036 году, падлічылі ў Цэнтральнай выбарчай камісіі.
На гэты момант апрацавалі 99% бюлетэняў. Афіцыйная яўка складае амаль 68%.
25 чэрвеня — 1 ліпеня адбывалася агульнарасейскае галасаваньне аб пакеце паправак у Канстытуцыю краіны.
Адна з паправак закране «абнуленьне» прэзыдэнцкіх тэрмінаў і дазволіць расейскаму прэзыдэнту Уладзіміру Пуціну ўдзельнічаць у выбарах яшчэ два разы і заставацца ва ўладзе да 2036 году.
