Лінкі ўнівэрсальнага доступу

На «ланцугу салідарнасьці» ў Менску затрымалі анколяга. Родным сказалі, што суд будзе закрытым


Ілюстрацыйнае фота

Лекар-анколяг Віктар Хвашчэўскі ўвечары 19 чэрвеня вяртаўся дадому і сустрэў сяброўку на праспэкце Дзяржынскага, дзе стаяў «ланцуг салідарнасьці». Яго затрымалі, родныя цягам сутак не маглі знайсьці Дзьмітрыя, піша Tut.by.

Віктар Хвашчэўскі — хірург-анколяг найвышэйшай катэгорыі, стаж працы — 21 год. Працаваў у прыватным мэдычным цэнтры «Сёмае неба», а раней — у 10-й лякарні, быў загадчыкам аддзяленьня ў турэмным шпіталі на вуліцы Кальварыйскай у Менску. У пятніцу 19 чэрвеня ён, як звычайна, адпрацаваў сваю 12-гадзінную зьмену і вяртаўся дадому.

«На праспэкце Дзяржынскага ён убачыў старую знаёмую, якую даўно ня бачыў, — апавядае сяброўка мужчыны Алёна. — Выйшаў, каб павітацца, пагаварыць. Яны стаялі на ходніку, разглядалі фатаздымкі. Нечакана яго схапілі, пацягнулі ў аўтазак, знаёмую адштурхнулі, у яе сінякі засталіся».

Таксама затрымалі дзяўчыну, якая спрабавала здымаць затрыманьне Віктара на тэлефон. Віктар пасьпеў паведаміць, што яго вязуць у Фрунзэнскае РУУС. Цэлыя суткі родным не казалі, дзе знаходзіцца Віктар. Пазьней пацьвердзілі, што ён у турме на Акрэсьціна.

Цяпер родныя ня могуць даведацца, дзе яго будуць судзіць. Дзяжурны Фрунзэнскага РУУС сказаў, што гэта будзе «закрыты суд».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG