Лінкі ўнівэрсальнага доступу

Лукашэнка пра каранавірус: «Самае страшнае, каб пад гэты шумок нас не прыбралі»


Аляксандар Лукашэнка выступае ў Берасьцейскай крэпасьці, 22 чэрвеня

Аляксандар Лукашэнка 22 чэрвеня ўзяў удзел у цырымоніі, прысьвечанай гадавіне пачатку Вялікай айчыннай вайны — нападу Нямеччыны на Савецкі Саюз у 1941 годзе ў працяг Другой усясьветнай вайны. Урачыстасьць пачалася ў Берасьцейскай крэпасьці ў 4 раніцы.

У прамове Лукашэнка, як перадае ягоная прэс-служба, сярод іншага заявіў:

  • «На жаль, ня ўсе грамадзяне гэтых цяпер ужо незалежных дзяржаваў (былога СССР. — РС) бачаць сябе нашчадкамі той гераічнай гісторыі. Вельмі шкада. У нашчадкаў здраднікаў свая праўда і свая перамога, якую яны сёньня мерацца атрымаць перш за ўсё на ідэалягічным фронце. Тым, якія прайгралі, і зрынутым патрэбны рэванш (каму менавіта, не ўдакладняў. — РС). Іхныя ініцыятывы ўжо сталі часткаю дзяржаўнай палітыкі асобных краінаў. Але я глыбока перакананы, што народная памяць пераможа і ў нашы дні».
  • «Мы бачым, як нават у тых краінах, дзе Дзень Перамогі забаронены (Свабодзе не ўдалося знайсьці такія краіны. — РС), людзі нясуць кветкі да помнікаў савецкім ваярам і бясстрашна працягваюць адзначаць гэтае сьвята. Бо памяць пра герояў, якія выратавалі многія краіны ад рабства і генацыду, — гэта тое, што ляжыць у аснове нацыянальнага гонару ўсіх, хто зьяўляецца і лічыць сябе нашчадкамі пераможцаў, Перамогі».
  • «Як толькі мы гэта (падзеі Другой усясьветнай вайны. — РС) забудзем, мы зноў акунемся ў хаос, раздрай, дэстабілізуем краіну, мы народзім новую вайну».
  • «Катастрофы ніякай, але абараніць мы павінны тое, што маем. Расслабляцца ні ў якім разе нельга. Я вас папярэджваў два-тры месяцы таму, што гэтая так званая пандэмія гэтым ня скончыцца. Камусьці яна вельмі на руку. Хутка ўбачыце, каму. Хоць ужо і цяпер гэта бачым (каму, усё ж не сказаў. — РС). Будзе ціск сур’ёзны, перш за ўсё эканамічны. Бо ваяваць з намі ўжо небясьпечна, а нахіліць трэба. Занадта незалежнымі сталі...»
  • «Я заўсёды вам казаў: я нікому не дазволю гвалтоўным чынам вырашаць праблемы, якія трэба вырашаць мірна, палітычным шляхам, на падставе нашых законаў. Так будзе заўсёды».
  • Заклікаў не зьвяртаць увагі на тое, што «нам там падпяваюць»: «„Штосьці ня тое робім ... А калі накраў, дык нічога страшнага“. Калі б мы гэтым зладзюгам (якім, не ўдакладніў. — РС) за гады сваёй незалежнасьці крылы не падрэзалі, мы б сёньня пабудавалі алігархічную дзяржаву і стаялі б на каленях».
  • «Не паддавайцеся на хітрыкі трох-чатырох нейкіх шарлятанаў. Яны будуць выкарыстоўваць усё. І акумулятары, і заводы (прэс-служба Лукашэнкі ўдакладняе, што гаворка пра берасьцейскі акумулятарны завод iPower. — РС), І іншае. Трэба — зьнясём дашчэнту гэты ваш „акумулятар“, калі толькі ў ім праблема. Але ня ў ім, я ж гэта разумею. Шукаюць, за што зачапіць, і вас туды павесьці. Памятайце, што гэтага рабіць нельга».
  • «Не напружвайцеся. Нас і так напружылі з гэтым каронапсыхозам. Але самае страшнае для нас, каб пад гэты шумок нас не прыбралі. Вось гэта для нас галоўнае».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG