Лінкі ўнівэрсальнага доступу

Зноў адкрылі пляц перад саборам Парыскай Божай Маці


16 красавіка 2019, Парыж, пажар сабора Нотр-дам-дэ-Пары

Парыскія ўлады часткова адкрылі пляц перад саборам Парыскай Божай Маці. Ён была закрыты для публікі з прычыны пагрозы атручэньня сьвінцом, які расплавіўся падчас пажару ў Нотр-Даме.

Упершыню пра пагрозу заражэньня парыскіх вуліц сьвінцом пасля буйнога пажару ў саборы Нотр-Дам загаварылі ў ліпені 2019 году. Каля 300 тон сьвінцу, які зьмяшчаўся ў аздабленьні даху і шпіля, расплавіліся пры пажары. З гэтай прычыны былі спыненыя на месяц усе рэстаўрацыйныя працы і перакрытыя вуліцы вакол сабора.

Падвышаная канцэнтрацыя сьвінцу была зарэгістраваная ў будынках паблізу сабора, у прыватнасьці, у школах.

Перад адкрыцьцём пляцу парыская мэрыя склала падрабязную справаздачу перад гараджанамі пра вынікі ачышчальных работ на прылеглай тэрыторыі, паведамляе Radio France Internationale. Брук быў апрацаваны мыйным сродкам, 40-сантымэтровы пласт глебы вакол пляцу быў заменены.

Нягледзячы на ўсю праведзеную працу падысьці ўсутыч да сабора па-ранейшаму нельга. Трэць тэрыторыі пляцу застаецца за агароджай — у сувязі з рэстаўрацыйнымі працамі.

Рэканструкцыя Нотр-Даму мае завяршыцца да 2024 году, калі ў Парыжы пройдуць Алімпійскія гульні. Афіцыйна аб пераносе тэрмінаў аднаўлення сабора не паведамлялі, хоць рэстаўрацыя перапынялася некалькі разоў праз пагрозу заражэньня сьвінцом і пандэмію каранавірусу.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG