Лінкі ўнівэрсальнага доступу

У сталіцы Баўгарыі хочуць прыбраць помнік «савецкім вызваліцелям», Расея пратэстуе


Помнік «савецкім вызваліцелям» у Сафіі

Адзін з раённых кіраўнікоў Сафіі выказаўся за тое, каб прыбраць помнік эпохі камунізму ў гонар «савецкіх вызваліцеляў» Баўгарыі ў 1944 годзе з сталічнага грамадзкага парку.

Старшыня Лозенецкага раёну сталіцы Канстанцін Паўлаў зьвярнуўся з такой ініцыятывай да мэра Сафіі, бо лічыць, што «горад павінен быць вызвалены ад сымбаляў таталітарнай эпохі».

Такая просьба гарадзкога чыноўніка стала адказам на атрыманы ім раней ліст ад амбасадара Расеі ў Баўгарыі Леаніда Маракова, у якім дыплямат выказаў «глыбокае абурэньне» прапановай Паўлава прыбраць помнік з гарадзкога раёну, якім ён кіруе. Паўлаў заявіў, што пераслаў ліст амбасадара ў МЗС Баўгарыі і чакае рэакцыі.

Баўгарскі чыноўнік прапануе перанесьці помнік у музэй, а калі пад ім будуць знойдзеныя парэшткі савецкіх салдатаў, то іх варта «пахаваць згодна з гуманітарным заканадаўствам» на адных з могілак Сафіі.

Расейскі амбасадар Макараў заявіў, што раскопкі парэшткаў «могуць быць інтэрпрэтаваныя як спроба рэабілітаваць нацызм».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG